കോണ്ഗ്രസിന്റെ സൈബര് ആക്രമണത്തിനെതിരെ മറുപടിയുമായി ദിവ്യ എസ് അയ്യര്
കോണ്ഗ്രസിന്റെ സൈബര് ആക്രമണത്തിനെതിരെ മറുപടിയുമായി ദിവ്യ എസ് അയ്യര്.'വെറുതെ ഒരു ഭാര്യ അല്ല' എന്ന ക്യാപ്ഷനോട് കൂടിയാണ് ദിവ്യ തന്റെ സോഷ്യല്മീഡിയ പേജില് പങ്കുവെച്ചത്. പങ്കാളിയായ ശബരിനാഥനൊപ്പമുള്ള ചിത്രം പങ്കുവെച്ചായിരുന്നു ദിവ്യയുടെ ഈ പോസ്റ്റ്. വിഴിഞ്ഞം തുറമുഖ പദ്ധതി യാഥാര്ഥ്യമാക്കിയ മുഖ്യമന്ത്രിയെ പ്രശംസിച്ചതിനാണ് ദിവ്യ എസ് അയ്യര് കോണ്ഗ്രസിന്റെ സൈബര് ആക്രമണം നേരിട്ടത്.
കെപിസിസി ഡിജിറ്റല് മീഡിയ കണ്വീനര് ഡോ. സരിന് ഉള്പ്പടെ തന്റെ ഫേസ്ബുക് പേജിലൂടെ വിഴിഞ്ഞം തുറമുഖ എം ഡി കൂടിയായ ദിവ്യ എസ് അയ്യര്ക്കെതിരെ വിമര്ശനം നടത്തുകയായിരുന്നു. കോണ്ഗ്രസ് നേതാക്കള് ദിവ്യയെ ശബരിനാഥിന്റെ പങ്കാളിയായി മാത്രം കണ്ടുകൊണ്ടായിരുന്നു കോണ്ഗ്രസിന്റെ ഈ വിമര്ശനം.
ദിവ്യ ഐ എ എസ് ഓഫീസറും വിഴിഞ്ഞം തുറമുഖ എം ഡി യുമാണെന്ന കാര്യം മറന്നുകൊണ്ടാണ് ഇത്തരത്തിലൊരു സൈബര് ആക്രമണം. 'വന്കിട പദ്ധതികള് എല്ലാം കടലാസില് ഒതുങ്ങുന്ന കാലഘട്ടം ഇന്ന് മറന്നിരിക്കുന്നു'എന്നാണ് ഉദ്ഘാടന വേദിയില് മുഖ്യമന്ത്രി പിണറായി വിജയനെ പ്രശംസിച്ച് ദിവ്യ എസ്.അയ്യര് പറഞ്ഞത്.
https://www.facebook.com/Malayalivartha