ശക്തമായ മഴ തുടരുന്നു... സംസ്ഥാനത്തെ 6 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
ശക്തമായ മഴ തുടരുന്ന സാഹചര്യത്തില് സംസ്ഥാനത്തെ 6 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു.കോഴിക്കോട്. കാസര്കോട്, കണ്ണൂര്, മലപ്പുറം, തൃശൂര്,എറണാകുളം എന്നീ ജില്ലകള്ക്കാണ് അവധി പ്രഖ്യാപിച്ചത്.പ്രൊഫഷണല് കോളേജുകള് ഉള്പ്പെടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.അതേസമയം മുന് നിശ്ചയിച്ച പ്രകാരമുള്ള പൊതുപരീക്ഷകള്, സര്വകലാശാലാ പരീക്ഷകള് എന്നിവയ്ക്ക് മാറ്റമുണ്ടായിരിക്കുന്നതല്ല.
മലപ്പുറം, കോഴിക്കോട്, കണ്ണൂര്, കാസര്കോഡ് ജില്ലകളിലാണ് ഓറഞ്ച് അലേര്ട്ട് നിലനില്ക്കുന്നത്. ഇടവിട്ട് ശക്തമായ മഴ പെയ്യുന്നുണ്ടെങ്കിലും നാശനഷ്ട്ടങ്ങള് ഇതുവരെയും റിപ്പോര്ട്ട് ചെയ്തിട്ടില്ല. മഴ വരും ദിവസങ്ങളിലും തുടരുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.മലപ്പുറം ജില്ലയുടെ വിവിധ ഭാഗങ്ങളില് റെഡ് അലര്ട്ട് പ്രഖ്യാപിച്ചിരിക്കുകയാണ്. മഴ, ശക്തമായ കാറ്റ് എന്നിവ തൃശൂര് ജില്ലയില് തുടരുകയാണ്.
തൃശൂര് ചെന്ത്രാപ്പിന്നി ചാമക്കാലയില് മിന്നല് ചുഴലി. നിരവധി മരങ്ങള് കടപുഴകി വീണു. രണ്ട് വീടുകള് ഭാഗികമായി തകര്ന്നു. ഇന്നു വൈകീട്ട് മൂന്നരയോടെയാണ് ചാമക്കാലയില് ചുഴലികാറ്റ് ആഞ്ഞടിച്ചത്. മരങ്ങള് വീണ് വൈദ്യുതി കമ്പികളും പൊട്ടിവീണ നിലയിലാണ്.
https://www.facebook.com/Malayalivartha