ദേശീയ പാതയില് കെ എസ് ആര് ടി സി ഫാസ്റ്റ് പാസഞ്ചര് ബസിന് നേരെ ഉണ്ടായ കല്ലേറില് ഡ്രൈവര്ക്ക് പരിക്ക്
പുറക്കാട് ദേശീയ പാതയില് കെ എസ് ആര് ടി സി ഫാസ്റ്റ് പാസഞ്ചര് ബസിന് നേരെ ഉണ്ടായ കല്ലേറില് ഡ്രൈവര്ക്ക് പരിക്കേറ്റു.ബുധനാഴ്ച ഉച്ചക്ക് പുറക്കാട് എസ് എന് എം ഹയര് സെക്കന്ററി സ്കൂളിന് വടക്കു ഭാഗത്തു വെച്ചായിരുന്നു സംഭവം. എറണാകുളത്തു നിന്ന് കരുനാഗപ്പള്ളിയിലേക്ക് പോയ ബസായിരുന്നു. ബൈക്കിലെത്തിയ രണ്ട് പേരില് പിന് സീറ്റിലിരുന്നയാള് കല്ലെറിയുകയായിരുന്നുവെന്ന് ഡ്രൈവര് പറഞ്ഞതായി സമീപ വാസികള് പറയുന്നു. ഡ്രൈവര് സലിമിന് ചില്ല് കൈയില് തെറിച്ചു വീണ് സാരമായി പരിക്കേറ്റു.
ഇദ്ദേഹത്തെ ആലപ്പുഴ മെഡിക്കല് കോളേജാശുപത്രിയില് പ്രവേശിപ്പിച്ചു. 60 ഓളം യാത്രക്കാര് ബസിലുണ്ടായിരുന്നു. ഇവര്ക്കാര്ക്കും പരിക്കില്ല.കല്ലേറില് ബസിന്റെ മുന് ഭാഗത്തെ ചില്ല് പൂര്ണമായും തകര്ന്നു.അമ്പലപ്പുഴ പോലീസ് സ്ഥലത്തെത്തി അന്വേഷണമാരംഭിച്ചു.
https://www.facebook.com/Malayalivartha