വാഹനങ്ങളുടെ പുകപരിശോധന കര്ശനമാക്കാനൊരുങ്ങി മോട്ടോര് വാഹനവകുപ്പ്....
വാഹനങ്ങളുടെ പുകപരിശോധന കര്ശനമാക്കാന് മോട്ടോര് വാഹനവകുപ്പ്. പുക പരിശോധനാ സര്ട്ടിഫിക്കറ്റ് ഇല്ലെങ്കില് ആദ്യ ഘട്ടത്തില് 2000 രൂപയാണ് പിഴ.
രണ്ടാംതവണ 10,000 രൂപയും. പാര്ക്കിങ്ങില്ലാത്തിടത്ത് വാഹനം നിര്ത്തിയിട്ടാല്പോലും ആ കുറ്റത്തോടൊപ്പം എല്ലാസര്ട്ടിഫിക്കറ്റുകളും പരിശോധിക്കണമെന്നാണ് പുതിയനിര്ദേശമുള്ളത്. ഈ നിര്ദേശപ്രകാരം ലൈസന്സ്, ഇന്ഷുറന്സ്, പുകപരിശോധനാ സര്ട്ടിഫിക്കറ്റ്, രൂപമാറ്റം വരുത്തിയത്, കൂളിങ് ഫിലിംഒട്ടിച്ചത്, നമ്പര് പ്ലേറ്റിലെ രൂപമാറ്റം തുടങ്ങി എല്ലാകാര്യങ്ങളും പരിശോധിക്കേണ്ടതാണ്.
വാഹനത്തിന്റെ ഫോട്ടോസഹിതമാണ് കുറ്റപത്രം തയ്യാറാക്കേണ്ടതെന്നും മോട്ടോര്വാഹനവകുപ്പ് ഉദ്യോഗസ്ഥര്ക്ക് നിര്ദേശം നല്കി. പോലീസ് സേനയെപ്പോലെ മോട്ടോര്വാഹനവകുപ്പ് ജീവനക്കാരും ഇനിമുതല് വാഹനപരിശോധനയ്ക്കായി നിരത്തുകളിലുണ്ടാകും. പുക പരിേശാധനയ്ക്ക് ഊന്നല്നല്കിയാകും പ്രവര്ത്തനം. നിരത്തുകളിലുള്ള ഏറെവാഹനങ്ങള് പുകപരിശോധനാ സര്ട്ടിഫിക്കറ്റില്ലാത്തവയാണെന്ന് കണ്ടെത്തി. ഇവയെ പിടികൂടി പിഴചുമത്തി സര്ക്കാരിലേക്ക് മുതല്ക്കൂട്ടുകയും ലക്ഷ്യമിടുന്നത്.
ചില സാങ്കേതിക തകരാറുകള് ഉണ്ടെങ്കില് വാഹനങ്ങള് പുകപരിശോധനയില് പരാജയപ്പെടും. പ്രശ്നം പരിഹരിക്കാനാണ് സാധാരണയായി ആവശ്യപ്പെടുക. എന്നാല്, പ്രശ്നം പരിഹരിക്കാതെ തന്നെ പണം നല്കി, ഇതരസംസ്ഥാനങ്ങളില്നിന്ന് സര്ട്ടിഫിക്കറ്റ് സംഘടിപ്പിക്കുകയാണ് പതിവ്.
പരിവാഹന് മുഖേന ഇന്ത്യയില് എവിടെനിന്നുവേണമെങ്കിലും പുകപരിശോധന നടത്താം. അതിനായി വാഹനം കൊണ്ടുപോകണം. എന്നാല്, വാഹനം കൊണ്ടുപോകാതെ വ്യാജമായി സര്ട്ടിഫിക്കറ്റ് നല്കുന്നതാണ് തട്ടിപ്പ്. സംസ്ഥാനത്ത് പുകപരിശോധനയില് പരാജയപ്പെടുന്ന വാഹനങ്ങള് ഇതരസംസ്ഥാനങ്ങളില്നിന്ന് വ്യാജ സര്ട്ടിഫിക്കറ്റ് സംഘടിപ്പിക്കുന്നത് വ്യാപകമാകുകയാണ്. അതിന് കടിഞ്ഞാടുന്നതിനു വേണ്ടിയാണ് കര്ശന പരിശോധനയുമായി മോട്ടോര് വാഹന വകുപ്പ് രംഗത്തിറങ്ങുന്നത്.
" f
https://www.facebook.com/Malayalivartha