അര്ജുനായുള്ള തിരിച്ചല് കടുത്ത വെല്ലുവിളി നേരിടുകയാണ്... ദൗത്യം ഇനിയും എത്രകണ്ട് മുന്നോട്ടുപോകാന് സാധിക്കുമെന്ന ചോദ്യമാണ് ഉയരുന്നത്. കനത്ത മഴയാണ് പ്രദേശത്ത്...
![](https://www.malayalivartha.com/assets/coverphotos/w657/315533_1721983907.jpg)
ഷിരൂരില് മണ്ണിടിഞ്ഞു കാണാതായ ലോറിക്കകത്ത് ഡ്രൈവര് കോഴിക്കോട് കണ്ണാടിക്കല് സ്വദേശി അര്ജുനായുള്ള തിരിച്ചല് കടുത്ത വെല്ലുവിളി നേരിടുകയാണ്. ദൗത്യം ഇനിയും എത്രകണ്ട് മുന്നോട്ടുപോകാന് സാധിക്കുമെന്ന ചോദ്യമാണ് ഉയരുന്നത്. കനത്ത മഴയാണ് പ്രദേശത്ത്. 11 ദിവസായി അര്ജുനെ കാണാതായിട്ട്. കഴിയുന്ന എല്ലാ സംവിധാനങ്ങളും ഉപയോഗിച്ചുള്ള തിരച്ചില് ഇതിനോടകം നടത്തിയിട്ടുണ്ട്. എന്നിട്ടും അര്ജുനെ കണ്ടെത്താന് സാധിച്ചില്ല.അങ്കോല ദേശീയപാതയിലുണ്ടായ മണ്ണിടിച്ചിലിൽ കാണാതായ അർജുനായുള്ള തെരച്ചിൽ പുരോഗമിക്കുമ്പോൾ രക്ഷാദൗത്യത്തിന് വെല്ലുവിളിയായി പ്രതികൂല കാലാവസ്ഥ. കഴിഞ്ഞ ദിവസം മുതൽ പ്രദേശത്ത് കനത്ത മഴയാണെന്നും കാലാവസ്ഥ പ്രതികൂലമായതിനാലാണ് തെരച്ചിലിൽ കാലതാമസം നേരിടുന്നതെന്നും അർജുന്റെ ഭാര്യാ സഹോദരൻ ജിതിൻ പറഞ്ഞു.
പുഴയിൽ അടിയൊഴുക്ക് കുറഞ്ഞ ശേഷം നാവികസേനയ്ക്ക് രക്ഷാദൗത്യം മുന്നോട്ടുകൊണ്ടു പോകാൻ സാധിക്കുമെന്ന വിശ്വാസമുണ്ടെന്നും അദ്ദേഹം പറഞ്ഞു.”രക്ഷാദൗത്യത്തിന്റെ ഓരോ വിവരങ്ങളും അധികൃതർ പങ്കുവയ്ക്കുന്നുണ്ട്. കാലാവസ്ഥ അനുകൂലമാകുന്ന നിലയിൽ തെരച്ചിൽ പുരോഗമിക്കുമെന്ന് ഉദ്യോഗസ്ഥർ അറിയിച്ചു. കഴിഞ്ഞ 11 ദിവസമായി അർജുനായുള്ള കാത്തിരിപ്പിലാണ് കുടുംബം. എന്നാലും യാഥാർത്ഥ്യം ഉൾക്കൊണ്ടിട്ടുണ്ട്. പ്രതികൂല കാലാവസ്ഥ നിലനിൽക്കുന്നതിനാൽ അർജുന് വേണ്ടി മറ്റൊരു ജിവൻ കൂടി ബലി നൽകാൻ ഞങ്ങൾ തയ്യാറല്ല.”- ജിതിൻ പറഞ്ഞു.ഇന്നലെ രാത്രി മുതൽ പ്രദേശത്ത് കനത്ത മഴയും കാറ്റുമാണുള്ളത്. പ്രതികൂല കാലാവസ്ഥയായതിനാൽ പുഴയിലെ അടിയൊഴുക്ക് നിരീക്ഷിച്ചാണ് രക്ഷാദൗത്യം പുരോഗമിക്കുന്നത്. കരയിൽ നിന്ന് 60 മീറ്റർ അകലെയാണ് അർജുന്റെ ട്രക്കുള്ളതെന്നാണ് എസ്കവേറ്ററിൽ തെളിഞ്ഞത്.
ഐ ബോർഡ് ഉപയോഗിച്ചുള്ള പരിശോധനകളും ഇന്നലെ നടത്തിയിരുന്നു. മനുഷ്യ സാന്നിധ്യം തിരിച്ചറിയുന്നതിനായി തെർമൽ പരിശോധന നടത്തിയെങ്കിലും കനത്ത മഴ കാരണം ദൗത്യം താത്കാലികമായി നിർത്തിവയ്ക്കുകയായിരുന്നു.കനത്ത മഴയും അടിയൊഴുക്കും രക്ഷാപ്രവര്ത്തനത്തിന് വലിയ വെല്ലുവിളിയാണ്. ഈ സാഹചര്യത്തില് സ്കൂബാ ഡൈവേഴ്സിന് ഊളിയിട്ട് ലോറിയുടെ കാമ്പിന് അടുത്തേക്ക് എത്താനും സാധിക്കാത്ത അവസ്ഥയുണ്ട്. ഈ സാഹചര്യത്തില് ഇനിയും ദൗത്യവുമായി മുന്നോട്ടു പോകണോ എന്ന ആലോചന തുടങ്ങിയിട്ടുണ്ട്. ജീവന് നഷ്ടപ്പെടുന്ന അവസ്ഥയിലുള്ള രക്ഷാപ്രവര്ത്തനം വേണ്ടെന്ന് ദൗത്യസംഘാംഗങ്ങള്ക്ക് നിര്ദേശം ലഭിച്ചിട്ടുണ്ട്. തിരച്ചിലിനു നേതൃത്വം നല്കുന്ന റിട്ട. മേജര് ജനറല് ഇന്ദ്ര ബാലനെ ഇന്നലെ അടിയന്തരമായി ഡല്ഹിയിലേക്ക് വിളിപ്പിച്ചിട്ടുണ്ട്.
നാവികരുടെ ഇത് നാവികരുടെ ജീവന് അപകടത്തില് പെടുത്തിയുള്ള രക്ഷാപ്രവര്ത്തനം വേണ്ടെന്ന സൂചനയാണ്.പലവിധത്തില് പരിശോധന നടത്തിയിട്ടും അര്ജുനെ കണ്ടെത്തുന്നതില് പ്രതിസന്ധിയുണ്ടെന്ന് നാവികസേന അറിയിക്കുന്നു.‘അര്ജുന് ലോറിക്കകത്ത് ഉണ്ടെന്ന് ഉറപ്പില്ല’, മുന്നിലുള്ള വലിയ പ്രതിസന്ധിയെന്ന് നാവികസേനവരുത്താനായിട്ടില്ലെന്ന് തിരച്ചിലിന് നേതൃത്വം നല്കുന്ന റിട്ട. മേജര് ജനറല് എം. ഇന്ദ്രപാലന് ഇന്നലെ മാധ്യമങ്ങളെ അറിയിച്ചിരുന്നു. ഇത്രയും വിപുലമായ തിരിച്ചല് അടുത്തകാലത്തെങ്ങും രാജ്യത്ത് തന്നെ നന്നിട്ടില്ല.അപകട സമയത്ത് അര്ജുന്ം ലോറിക്കകത്തുതന്നെ ഉണ്ടായിരുന്നോ എന്നും ഉറപ്പില്ല.
ഗംഗാവാലി പുഴയില് രണ്ട് ഡ്രോണുകളുടെ സഹായത്താല് നടത്തിയ ഐ ബോഡ് സ്കാനിങ്ങില് നാലിടങ്ങളില് ലോഹ സാന്നിധ്യം കണ്ടെത്തിയിട്ടുണ്ട്. ഒന്ന് റോഡിനെ വേര്തിരിക്കാനുപയോഗിക്കുന്ന റെയിലാണ്. രണ്ടാമത്തേത് ടവറും മൂന്നാമത്തേത് അര്ജുന് ഉണ്ടെന്ന് കരുതുന്ന ലോറിയും നാലാമത്തേത് ടാങ്കറിന്റെ കാബിനുമാണ്. അതില് മാഗ്നറ്റോ മീറ്ററിന്റെ സഹായത്തോടുകൂടി മൂന്നെണ്ണത്തിന്റെ സാന്നിധ്യം എവിടെയൊക്കെയാണെന്ന് കൃത്യമായി ലഭിച്ചിട്ടുണ്ട്. നാലാമത്തേതാണ് അറിയാന് ബാക്കിയുള്ളത്.ഇന്നലെ പകല് തെര്മല് ഇമേജിങ് പരിശോധനയില് പുഴയ്ക്കടിയിലെ ലോറിക്കകത്ത് മനുഷ്യശരീരത്തിന്റെ സാന്നിധ്യം കണ്ടെത്താനായിട്ടില്ലെന്നതും വലിയ വെല്ലുവിളയാണ്. ലോറിയുടെ ഡ്രൈവിങ് കാബിന് തകര്ന്നിട്ടില്ലെന്ന് ഇന്നലെ ഡ്രോണ് പരിശോധനയില് വ്യക്തമായി. കാബിനും പിന്വശവും വേര്പെട്ട നിലയിലാണെങ്കില് പുതിയൊരു സിഗ്നല് കൂടി കിട്ടണം. ഇന്നലെ അത്തരത്തില് സിഗ്നല് ലഭിച്ചിട്ടില്ല. സാധാരണഗതിയില് കാബിന് തകരാനുള്ള സാധ്യത വിരളമാണെന്ന് ലോറി നിര്മാതാക്കളും അറിയിച്ചു.
https://www.facebook.com/Malayalivartha