അര്ജുന് ഓടിച്ച ലോറിയിലെ പി 1 എന്ന് എഴുതിയിരുന്ന തടികൾ:- മലയാളിവാർത്തയോട് മനാഫ് പറയുന്നു...
![](https://www.malayalivartha.com/assets/coverphotos/w657/315539_1721990667.jpg)
ഗംഗാവാലി നദിയുടെ അടിത്തട്ടിൽ കണ്ടെത്തിയ ട്രക്ക് അർജുന്റെത് തന്നെയെന്ന് സ്ഥിരീകരിച്ചതിന് പിന്നാലെ വാഹന ഉടമക്കും, രഞ്ജിത്ത് ഇസ്രയേല് അടക്കമുള്ളവര്ക്ക് വ്യാപക വിമര്നം ഉയർന്നിരുന്നു. കര്ണാടക സര്ക്കാര് പുഴയില് അര്ജുനെ തപ്പാം എന്ന് പറഞ്ഞപ്പോള് ഇവരുടെ വാക്ക് കേട്ട് മാധ്യമങ്ങളും കേരള സര്ക്കാരും റോഡിലെ മണ്ണിന് പിന്നാലെ പോയെന്നും അതുകൊണ്ടാണ് ഒന്പത് ദിവസത്തിന് ശേഷം അര്ജുന്റെ ട്രക്ക് കണ്ടെത്തിയതെന്നുമായിരുന്നു വിമർശനം ഉയർന്നത്.
‘ട്രക്ക് നേരത്തെ കണ്ടെത്തേണ്ടത് ആയിരുന്നു. വാഹന ഉടമ,രഞ്ജിത്ത് തുടങ്ങിയവരുൾപ്പെടെയുള്ള 'ചില വിദഗ്ധരായ' കേരളത്തിൽനിന്നുള്ള കുറേപേർ പുഴയിലെ തിരച്ചിൽ പലകാരണം പറഞ്ഞ് തടസ്സപ്പെടുത്തിയത് കൊണ്ടാണ് ഇത് ഇത്രയും താമസിച്ചു പോയതെന്ന് പറയാതിരിക്കാൻ കഴിയില്ല ’ ഇങ്ങനെ പോകുന്നു സൈബറിടത്തെ വിമര്ശനങ്ങള്. ദുരന്തം നടന്ന് ദിവസങ്ങള്ക്ക് ശേഷം അര്ജുന്റെ ലോറി ഓണായിട്ടുണ്ടെന്ന് വ്യാപകമായ പ്രചാരണം നടന്നിരുന്നു. ഇതിന് പുറമെ അര്ജുന്റെ ഫോണ് റിംഗ് ചെയ്തെന്ന് കുടുംബവും ഉറപ്പിച്ച് പറഞ്ഞതോടെ ലോറി മണ്ണിനടിയില് തന്നെ ഉണ്ടാകുമെന്ന സാധ്യതകളിലേയ്ക്കാണ് വിരല് ചൂണ്ടിയത്.
മാത്രമല്ല, തടി കയറ്റിയ അര്ജുന്റെ ലോറിയ്ക്ക് 40 ടണ്ണിലേറെ ഭാരമുണ്ടായിരുന്നു. റോഡിന് മറുവശത്ത് നിന്ന് ഇത്ര ഭാരമുള്ള ലോറി പുഴയിലേയ്ക്ക് മറിയാനുള്ള സാധ്യത കുറവാണെന്നായിരുന്നു പലരും അഭിപ്രായപ്പെട്ടിരുന്നത്. ഇതെല്ലാം രക്ഷാപ്രവര്ത്തനത്തിന്റെ ദിശ തെറ്റിച്ചെന്നതാണ് യാഥാര്ത്ഥ്യം. എന്നാല് ഇക്കാര്യങ്ങള് ചര്ച്ച ചെയ്യുന്നതിന് പകരം അര്ജുനെ കണ്ടെത്താന് വൈകിയതിന്റെ കാരണക്കാരന് രഞ്ജിത്ത് ഇസ്രായേലാണ് എന്ന തരത്തിലേയ്ക്കാണ് കാര്യങ്ങള് എത്തി നില്ക്കുന്നത്.
പിന്നാലെ അര്ജുന് ഓടിച്ച ലോറിയിലെ നാല് കഷ്ണം തടി കണ്ടെത്തിയെന്ന് വാഹന ഉടമ മനാഫ് കഴിഞ്ഞ ദിവസം സ്ഥിരീകരിച്ചിടുന്നു. അര്ജുന്റെ വണ്ടിയില് നിന്നും വീണ പി 1 എന്ന് എഴുതിയിരുന്ന തടികളായിരുന്നു കണ്ടെത്തിയത്. എട്ട് കിലോമീറ്റര് അകലെ നിന്നാണ് തടികിട്ടിയത്. ഇത് അർജുൻ കണ്ടെത്തുന്നതിൽ നിർണായക സൂചനയാണ്. ഒരു വീടിന് മുന്നില് കൂട്ടിയിട്ട നിലയിലാണ് തടി കണ്ടെത്തിയത്. ജൂലൈ എട്ടിനാണ് അര്ജുൻ ലോറിയില് പോയതെന്നും തിങ്കളാഴ്ചയാണ് അവസാനമായി വിളിച്ച് സംസാരിച്ചതെന്നുമാണ് അര്ജുന്റെ വീട്ടുകാര് പറയുന്നത്.
ചൊവ്വാഴ്ച മുതല് ഫോണില് കിട്ടുന്നില്ല. പിന്നീട് രാവിലെ എട്ടിന് വിളിച്ചപ്പോള് അര്ജുന്റെ ഫോണ് റിങ് ചെയ്തിരുന്നു. പിന്നീട് സ്വിച്ച് ഓഫായെന്നും കുടുംബാംഗങ്ങള് പറഞ്ഞിരുന്നു. പിന്നീട് രാത്രി വരെ ലോറിയുടെ എഞ്ചിൻ ഓണായിരുന്നുവെന്നാണ് ഭാരത് ബെന്സ് കമ്പനി പറഞ്ഞതായും റിപ്പോർട്ടുകൾ പുറത്ത് വന്നിരുന്നു. ഇത് സംബന്ധിച്ച് മലയാളിവാർത്തയോട് ലോറി ഉടമ മനാഫ് പ്രതികരിച്ചത് സോഷ്യൽ മീഡിയയിൽ ഇപ്പോൾ വൈറലാവുകയാണ്. അദ്ദേഹത്തിന്റെ പ്രതികരണം ഇങ്ങനെ...
https://www.facebook.com/Malayalivartha