ഒക്ടോബര്, നവംബര് മാസങ്ങളില് കേരളതീരത്ത് വന് ചുഴലിക്കാറ്റിനും പെരുമഴയ്ക്കും പ്രളയത്തിനും സാധ്യത; അറബിക്കടലിലും ബംഗാള് ഉള്ക്കടലില് കടുത്ത ന്യൂനമര്ദവും പെരുമഴയും പ്രളയവുമാകുമെന്ന് മുന്നറിയിപ്പ്
അടുത്തുവരുന്ന ഒക്ടോബര്, നവംബര് മാസങ്ങളില് കേരളതീരത്ത് വന് ചുഴലിക്കാറ്റിനും പെരുമഴയ്ക്കും പ്രളയത്തിനും സാധ്യതയെന്ന് ഉന്നത ശസാത്രസംഘം നടത്തിയ സര്വെ പഠനങ്ങള് വ്യക്തമാക്കുന്നു. അറബിക്കടലിലും ബംഗാള് ഉള്ക്കടലില് കടുത്ത ന്യൂനമര്ദവും പെരുമഴയും പ്രളയവുമാകുമെന്നാണ് ഇന്ത്യന് ഇന്സ്റ്റിറ്റ്യൂട്ട് ഓഫ് ഓഷ്യാനോഗ്രഫിയുടെ പഠനം വ്യക്തമാക്കുന്നത്. കേരള തീരത്ത് ചുഴലിയും സുനാമിയും തിരയേറ്റവും ഉള്പ്പെടെ സാധ്യതകള് പ്രവചിക്കുന്നതിനാല് അടുത്ത മാസങ്ങള് ദുരന്തങ്ങളുടെയും ദുരിതങ്ങളുടേതുമായിരിക്കും. അതിവിനാശകരമായ സുനാമി ബംഗാള് ഉള്ക്കടലില് ഉണ്ടാകാവുന്ന സാഹചര്യവും തള്ളിക്കളയാനാകില്ല.
ഓഗസ്റ്റ്- സെപ്റ്റംബര് മാസങ്ങളില് കേരളത്തില് അതിശക്തമായ മേഘസ്ഫോടനത്തിനും മിന്നല് പ്രളയത്തിനുമുള്ള സാധ്യതയും കടല്നിരീക്ഷണ കേന്ദ്രം മുന്നില് കാണുന്നു. ഇന്ത്യന് ഇന്സ്റ്റിറ്റ്യൂട്ട് ഓഫ് ഓഷ്യാനോഗ്രഫിയുടെ ശാസ്ത്രസംഘം കടലിലും കരയിലും ആകാശത്തും സാധ്യമായ എല്ലാ സംവിധാനങ്ങളും ഉപയോഗിച്ചുള്ള വിശദമായ പഠനങ്ങളാണ് പൂര്ത്തിയാക്കിയിരിക്കുന്നത്. ഈ പഠന റിപ്പോര്ട്ട് അടുത്ത മാസം പ്രസിദ്ധീകരിക്കുകയും ചെയ്യും. എല് നിനോ പ്രതിഭാസത്തിന്റെ ഭാഗമായി ഇന്ത്യാ മഹാസമുദ്രവും അറബിക്കടലും അതിവേഗം ചൂടുപിടിക്കുന്നതായും ഇത് തിരയേറ്റത്തിനും കടല്ക്ഷോഭത്തിനും കാരണമാകുമെന്നും ഇവരുടെ പഠനം വ്യക്തമാക്കുന്നു. അപ്രതീക്ഷിതമായി ചൂടും തണുപ്പും കൂടുകയോ കുറയുകയോ ചെയ്യുന്ന ഈ പ്രതിഭാസം കാലാവസ്ഥയെ മാത്രമല്ല സസ്യങ്ങളെയും ജന്തുജാലങ്ങളെയും പ്രതികൂലമായി ബാധിക്കുമെന്നതും ഏറെ വിനാശകരമാണ്.
ലോകത്തില്തന്നെ ഏറ്റവും കൂടുതല് താപനില വര്ധിക്കുന്ന കടലായി അറബിക്കടല് മാറുന്നതും ജലനിരപ്പില് വര്ധയുണ്ടാകുന്നതും ഏറെ ഭീതിയോടെയാണ് കേരളം നോക്കിക്കാണേണ്ടത്. ഇന്നത്തെ നിലയില് കടല് നില ഉയര്ന്നാല് അന്പതു വര്ഷത്തിനുള്ളില് കൊച്ചി നഗരം പൂര്ണമായി മൂടിപ്പോകുമെന്നും ആലുവ ഉള്പ്പെടെ പ്രദേശങ്ങളുടെ കുറെ പ്രദേശങ്ങളിലേക്ക് കടല് കയറുമെന്നുമാണ് പ്രവചനങ്ങള്. കേരളത്തില് ആലപ്പുഴ ജില്ലയിലെ കുട്ടനാട് പ്രദേശങ്ങള് അപ്പാടെ കടല് കയറി മൂടുമെന്നും പഠനങ്ങള് പറയുന്നു. ഇപ്പോള്തന്നെ കുട്ടനാടിന്റെ എട്ടു ശതമാനം ഭൂപ്രദേശങ്ങളില് വേലിയേറ്റം ശക്തനായിക്കഴിഞ്ഞു.
എല് നിനോ പ്രതിഭാസത്തിന്റെ ഭാഗമായി അന്തരീക്ഷ ഈര്പ്പത്തിന്റെ തോത് വര്ധിച്ചുവരികയാണ്. ഇത് ഓഗസ്റ്റില് കേരളത്തിലുടനീളം കനത്ത മഴയ്ക്കും കാറ്റിനും കാരണമാകും. മാത്രവുമല്ല ഇക്കൊല്ലത്തെ മഴക്കാലം ഡിസംബര് അവസാനവാരം വരെ മുന്നോട്ടുപോകുമെന്നും ഇപ്പോള് നടത്തിയ പഠനം പറയുന്നു. ഇന്ത്യന് ഇന്സ്റ്റിറ്റ്യൂട്ട് ഓഫ് ഓഷ്യാനോഗ്രഫിക്കു പുറമെ വിക്രം സാരാ ഭായി സ്പേയ്സ് സെന്ററിലെ ഗവേഷകരും സമുദ്രപഠനത്തില് പങ്കാളികളായിരുന്നു. കേരളത്തിന്റെ കാലാവസ്ഥ അപ്പാടെ മാറിമറിയുന്ന പ്രതിഭാസമാണ് ഇനി വരാന് പോകുന്നത്.
അതിശക്തമായ മഴയും അതികഠിനമായ വേനലുമാണ് കേരളത്തില് ഇനിയുള്ള നാലു മാസങ്ങളില് വരാനിരിക്കുന്നത്. മഞ്ഞുകാലം കേരളത്തില് ഇല്ലാതാകുന്നു എന്നതാണ് കാലാവസ്ഥാ വ്യതിയാനത്തില് സംഭവിച്ചുകൊണ്ടിരിക്കുന്ന മറ്റൊരു പ്രതിഭാസം. മാവും കായും പൂവിടാതിരിക്കുകയും ചക്കയും മാങ്ങയും പോലുള്ള വിഭവങ്ങള് കേരത്തില് കുറയുകയും ചെയ്യാനുള്ള സാധ്യതയാണ് ഇതുണ്ടാക്കുക അറബിക്കടലില് ന്യൂനമര്ദത്തിന്റെ തോത് ഓരോ വര്ഷവും അതിവേഗം കൂടിവരുന്നതായി സമീപകാലത്തെ എല്ലാ പഠനങ്ങളും വ്യക്തമാക്കുന്നു. കഴിഞ്ഞ ഒരു നൂറ്റാണ്ടിനുള്ളില് അറബിക്കടലിന്റെ ജലനിരപ്പില് ഒന്നര സെന്റിമീറ്ററോളം വര്ധന രേഖപ്പെടുത്തുകയും ചെയ്തിട്ടുണ്ട്.
രണ്ടു സെന്റിമീറ്റര് കടല് നിരപ്പ് ഉയര്ന്നാല് കേരള തീരത്തെ എല്ലാ ജില്ലകളിലും ഒട്ടേറെ പ്രദേശങ്ങള് കടലെടുത്തുപോകാനുള്ള സാധ്യതയും ഏറെ ഭയാനകമാണ്. കടലിലെ ചൂടിന്റെ തോത് വര്ധിക്കുന്നതനുസരിച്ച് കേരളതീരത്തും ചൂട് കൂടിവരുന്നു. മാത്രവുമല്ല കേരളത്തിലെ പ്രധാന തുറമുഖങ്ങളും ബിച്ചുകളും കടല് കയറി ഇല്ലാതാകാനുള്ള സാധ്യയും പഠനങ്ങളില് പറയുന്നു.
https://www.facebook.com/Malayalivartha