അര്ജുന് ഉള്പ്പടെ മൂന്നുപേരെ കണ്ടെത്തുന്നതിനായി മുങ്ങല് വിദഗ്ധരുടെ സംഘമെത്തി. മല്പെയിലെ ഈശ്വര് മല്പെയുടെ നേതൃത്വത്തിലുള്ള എട്ടംഗ സംഘമാണ് ഷിരൂരിലെത്തിയത്
അര്ജുന് ഉള്പ്പടെ മൂന്നുപേരെ കണ്ടെത്തുന്നതിനായി മുങ്ങല് വിദഗ്ധരുടെ സംഘമെത്തി. മല്പെയിലെ ഈശ്വര് മല്പെയുടെ നേതൃത്വത്തിലുള്ള എട്ടംഗ സംഘമാണ് ഷിരൂരിലെത്തിയത്.
ആങ്കര് സ്ഥാപിച്ച് പുഴയില് മുങ്ങാനുള്ള സാധ്യതകളാണ് ഇവര് പരിശോധിക്കുന്നത്. കഴിഞ്ഞ ദിവസം ഗംഗാവലി പുഴയിലെ കനത്ത അടിയൊഴുക്ക് കാരണം നാവികസേനയുടെ ഡൈവര്മാര്ക്ക് പുഴയില് ഇറങ്ങാന് കഴിഞ്ഞിരുന്നില്ല.
അതേസമയം, പ്രതികൂല കാലാവസ്ഥ തന്നെയാണ് അര്ജുനെ കണ്ടെത്തുന്നതിനുള്ള പ്രധാന വെല്ലുവിളി. ഷിരൂരില് ഇപ്പോഴും മഴ തുടരുന്നു. ഷിരൂര് ഉള്പ്പടെയുള്ള പ്രദേശങ്ങളില് ഓറഞ്ച് അലര്ട്ടാണ് നല്കിയിരിക്കുന്നത്. നദിയില് നാലോളം സ്ഥലങ്ങളില് നിന്നും ലോറിയുടേതെന്ന് സംശയിക്കുന്ന സിഗ്നല് ലഭിച്ചിരുന്നുവെങ്കിലും പുഴയിലെ അടിയൊഴുക്ക് കാരണം നാവികസേനയുടെ ഡൈവര്മാര്ക്ക് ഗംഗാവലിയില് ഇറങ്ങാന് കഴിഞ്ഞിരുന്നില്ല.
എന്നാല്, രക്ഷാപ്രവര്ത്തനം നിര്ത്തില്ലെന്നും കൂടുതല് ആധുനികമായ സംവിധാനങ്ങള് ഉല്യോഗിച്ച് തെരച്ചില് വ്യാപിപ്പിക്കുമെന്നും കോഴിക്കോട് എം.പി പറഞ്ഞു.
"
https://www.facebook.com/Malayalivartha