കോട്ടയം വെട്ടിക്കാട്ടുമുക്കില്‍ സ്വകാര്യ ബസ് തലകീഴായി മറിഞ്ഞ് അപകടം. 40 ഓളം പേര്‍ക്ക് പരിക്കേറ്റു. ഇന്ന് രാത്രി 7.15നായിരുന്നു അപകടം നടന്നത്. എറണാകുളത്ത് നിന്ന് കോട്ടയം ഭാഗത്തേക്ക് വരുമ്പോഴാണ് അപകടം ഉണ്ടായത്. മൂന്ന് പേരുടെ നില ഗുരുതരമാണെന്നാണ് വിവരം. പരിക്കേറ്റവരെ അടുത്തുള്ള ആശുപത്രികളിലേക്ക് മാറ്റി. എറണാകുളം - പാല റൂട്ടിലോടുന്ന ആവേമരിയ ബസാണ് മറിഞ്ഞത്. ബസിന്റെ ഡ്രൈവര്‍ക്ക് ദേഹാസ്വാസ്ഥ്യം ഉണ്ടായതിനെ തുടര്‍ന്നാണ് അപകടം ഉണ്ടായതെന്നാണ് ഇപ്പോള്‍ പുറത്തുവരുന്ന വിവരം.