സമാനതകളില്ലാത്ത ദുരിതത്തിലൂടെയാണ് വയനാട്ടിലെ ചൂരൽമല, മുണ്ടക്കൈ നിവാസികൾ കടന്നു പോകുന്നത്; ഒറ്റ നിമിഷം കൊണ്ട് ഉറ്റവരും ഉടയവരും മാത്രമല്ല, ജീവിതകാലം മുഴുവൻ സമ്പാദിച്ചതും കൺമുന്നിലൂടെ ഒലിച്ചു പോവുന്നത് കണ്ടു നിൽക്കേണ്ടി വരുക എന്നത് ഭയാനകമായ സ്ഥിതിയാണ്; സഹായിക്കാൻ അഭ്യർത്ഥിച്ച് സന്ദീപ് വാചസ്പതി
സമാനതകളില്ലാത്ത ദുരിതത്തിലൂടെയാണ് വയനാട്ടിലെ ചൂരൽമല, മുണ്ടക്കൈ നിവാസികൾ കടന്നു പോകുന്നത്. സഹായിക്കാൻ അഭ്യർത്ഥിച്ച് സന്ദീപ് വാചസ്പതി . അദ്ദേഹത്തിന്റെ വാക്കുകൾ ഇങ്ങനെ ;-
ഒറ്റ നിമിഷം കൊണ്ട് ഉറ്റവരും ഉടയവരും മാത്രമല്ല, ജീവിതകാലം മുഴുവൻ സമ്പാദിച്ചതും കൺമുന്നിലൂടെ ഒലിച്ചു പോവുന്നത് കണ്ടു നിൽക്കേണ്ടി വരുക എന്നത് ഭയാനകമായ സ്ഥിതിയാണ്. ഉടുത്തിരുന്ന വസ്ത്രം മാത്രമാണ് ഇവർക്ക് ഇന്ന് സ്വന്തമായുള്ളത്. ഉപ്പു തൊട്ട് കർപ്പൂരം വരെ മറ്റുള്ളവരുടെ സഹായത്താൽ സ്വരൂപിക്കേണ്ട അവസ്ഥയിലാണ് ആയിരക്കണക്കിന് നിസഹായ ജന്മങ്ങൾ. ഇവരെ സഹായിക്കാൻ കൈകോർക്കുകയാണ്.
വയനാടിന്റെ കണ്ണീരൊപ്പാൻ പലരും മുന്നിട്ടിറങ്ങുന്നുണ്ട്. എന്നാൽ നാം നൽകുന്ന സാധനങ്ങൾ അർഹതപ്പെട്ടവരുടെ കൈകളിൽ എത്തിക്കുന്നവർ അപൂർവ്വമാണ്. ദുരന്തമുഖങ്ങളിൽ മനുഷ്യരുടെ അത്താണിയായ, സേവനത്തിന്റെ പര്യായമായ ദേശീയ സേവാഭാരതിയുടെ കൈകൾ വഴിയാണ് ജനം സൗഹൃദവേദി സഹായം എത്തിക്കുക. വയനാട്ടിലെ സഹോദരങ്ങൾക്ക് ഇപ്പോൾ നിത്യോപയോഗ സാധനങ്ങളും ഭക്ഷണ സാമഗ്രികളുമാണ് ആവശ്യം.
നിങ്ങൾ നൽകാൻ ആഗ്രഹിക്കുന്ന സാമഗ്രികൾ ജനം സൗഹൃദവേദി പ്രവർത്തകർക്കോ ജനം ടിവി ജില്ലാ ബ്യുറോകളിലോ കൈമാറാവുന്നതാണ്. ഉത്പന്നങ്ങൾ മാത്രമാണ് ഇപ്പോൾ ശേഖരിക്കുന്നത്. പണം ഒരു കാരണവശാലും സ്വീകരിക്കുന്നതല്ല. സഹജീവികളോടുള്ള നമ്മുടെ കരുതൽ അർഹതപ്പെട്ട കരങ്ങളിൽ എത്തട്ടെ. ജനം സൗഹൃദവേദിയുമായി സഹകരിക്കണമെന്ന് അഭ്യർത്ഥിക്കുന്നു.
https://www.facebook.com/Malayalivartha