സംസ്ഥാനത്ത് മഴയ്ക്ക് ശമനം.... ഇന്ന് ഒരു ജില്ലയിലും അലര്ട്ടില്ല, ആഗസ്റ്റ് 24 ഓടെ വടക്കന് ബംഗാള് ഉള്ക്കടലില് പുതിയൊരു ചക്രവാത ചുഴി രൂപപ്പെടാന് സാധ്യത, 25 ന് മഴ ശക്തി പ്രാപിച്ചേക്കും...
![](https://www.malayalivartha.com/assets/coverphotos/w657/317202_1724279496.jpg)
സംസ്ഥാനത്ത് മഴയ്ക്ക് ശമനം.... ഇന്ന് ഒരു ജില്ലയിലും അലര്ട്ടില്ല, ആഗസ്റ്റ് 24 ഓടെ വടക്കന് ബംഗാള് ഉള്ക്കടലില് പുതിയൊരു ചക്രവാത ചുഴി രൂപപ്പെടാന് സാധ്യത, 25 ന് മഴ ശക്തി പ്രാപിച്ചേക്കും... 25 ന് കോഴിക്കോട്, കണ്ണൂര്, കാസര്ഗോഡ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
കണ്ണൂര്, കാസര്ഗോഡ് തീരങ്ങള്ക്ക് പ്രത്യേക ജാഗ്രത ആവശ്യമാണ്. ഉയര്ന്ന തിരമാലകള്ക്കും കടല് കൂടുതല് പ്രക്ഷുബ്ദ്ധമാകാനും സാധ്യതയുള്ളതായി ദേശീയ സമുദ്രസ്ഥിതിപഠന ഗവേഷണ കേന്ദ്രം . കേരള തീരത്ത് ഇന്നു മുതല് രാത്രി 11.30 വരെ 2.7 മുതല് 3.1 മീറ്റര് വരെ ഉയര്ന്ന തിരമാലയ്ക്കും കള്ളക്കടല് പ്രതിഭാസത്തിനും സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം .ലക്ഷദ്വീപിലെ അഗത്തി, അമിനി തീരങ്ങള്ക്കും ഉയര്ന്ന തിരമാല ജാഗ്രത മുന്നറിയിപ്പ് നല്കിയിട്ടുണ്ട്.
ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിയ്ക്കുക.
കടല്ക്ഷോഭം രൂക്ഷമാകാനായി സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കേണ്ടതാണ്. മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കേണ്ടതാണ്.
https://www.facebook.com/Malayalivartha