സുരേഷ് ​ഗോപി എന്ന മനുഷ്യനും സിനിമാ താരത്തിനും രാഷ്‌ട്രീയ പ്രവർത്തകനും ആരാധകരേറെയാണ്. പ്രായഭേദമില്ലാതെ അദ്ദേഹത്തിനെ എല്ലാവരും ഇഷ്ടപ്പെടുന്നു. അദ്ദേഹത്തെ കാണാനായിട്ട് ആഗ്രഹം പ്രകടിപ്പിച്ചു കൊണ്ട് പലരും വരികയും. സുരേഷ് ഗോപിയെ കൊണ്ട് കാണാൻ പറ്റുന്നവരെയെല്ലാം അദ്ദേഹം കാണാറുമുണ്ട് . അങ്ങനെ പങ്കു വയ്ക്കുന്ന വീഡിയോ പെട്ടന്ന് എല്ലാം വൈറലാകാറുണ്ട് . അങ്ങനെ സുരേഷ് ഗോപിയെ കാണാൻ ആഗ്രഹിക്കുന്ന അക്കൂട്ടത്തിലൊരു നാലു വയസുകാരിയുമുണ്ട് ഇപ്പോൾ. കോഴിക്കോട് സ്വദേശി ശ്രേഷ്ഠ നിപിനാണ് സുരേഷ് ​ഗോപിയെ കാണാൻ ആ​ഗ്രഹം പ്രകടിപ്പിച്ചിരിക്കുന്നത്.

ഓണനാളിൽ കുഞ്ഞാരാധികയെ കാണാൻ എത്തുമെന്ന ഉറപ്പും കേന്ദ്രമന്ത്രി നൽകിയിട്ടുണ്ട്. സിനിമയിലൂടെ മാത്രം കണ്ടിട്ടുള്ള സുരേഷ് ​ഗോപിയെ നേരിൽ കാണുന്നതിന്റെ സന്തോഷത്തിലാണ് എൽകെജി വിദ്യാർത്ഥിയായ ശ്രേഷ്ഠ.സുരേഷ് ​ഗോപിയുടെ പൊലീസ് വേഷങ്ങൾ കണ്ടാണ് കുഞ്ഞു മനസിൽ ആരാധന തുടങ്ങുന്നത്. കാറിൽ പോകുന്നതിനിടെയാണ് വീഡിയോ എഡിറ്റർ കൂടിയായ അച്ഛനോട് സുരേഷ് ​ഗോപിക്കൊപ്പം ഫോട്ടോയെട‍ുക്കാൻ ആ​ഗ്രഹം പ്രകടിപ്പിച്ചത്. സ്കൂളിലെ കൂട്ടുകാരെയും ടീച്ചർമാരെയും ഞെട്ടിക്കാനാണ് ഫോട്ടോയെന്നും ശ്രേഷ്ഠ പറഞ്ഞു. മകൾക്കൊപ്പമുള്ള നിമിഷങ്ങൾ പകർത്താറുള്ള നിപിൻ ഇതും വീഡിയോ എടുത്തു. പിന്നാലെ സുഹൃത്തിന് അയച്ചു കൊടുത്തു.

ഞൊടിയിടയിൽ വീഡിയ ‘വള്ളത്തോളിന്റെ കാവിപ്പട’ എന്ന ഫേസ്ബുക്ക് പേജിലുമെത്തി.അങ്ങനെ വീഡിയ സുരേഷ് ​ഗോപിയുടെ മകനും നടനുമായ ​ഗോകുൽ സുരേഷ് കാണാനിടയായി. സുരേഷ് ​ഗോപിക്ക് അയച്ച് കൊടുക്കുകയും ചെയ്തു. കുഞ്ഞുമോളുടെ വലിയ ആ​ഗ്രഹം സൈബറിടത്തിൽ വൈറലാവുകയാണ്.ഇതിനിടയിലാണ് സുരേഷ് ​ഗോപി ശ്രേഷ്ഠയെ കാണാൻ ഓണത്തിനെത്തുമെന്ന ഉറപ്പ് നൽകിയിരിക്കുന്നത്. ബിജെപി കോഴിക്കോട് ജില്ലാ പ്രസിഡൻ്റ് അഡ്വ. വികെ സജീവനെയും അദ്ദേഹം ഇക്കാര്യം അറിയിച്ചു. വിവരമറിഞ്ഞതോടെ ശ്രേഷ്ഠയും ഹാപ്പി.

സ്കൂളിലും ആ സന്തോഷവിവരം അറിയിച്ചു. നേരിൽ കാണാൻ മോഹിച്ച താരം കൺമുന്നിലെത്തുന്നതിന്റെ കാത്തിരിപ്പിലാണ് എൽകെജിക്കാരി.ഏതായാലും പെട്ടന്നാണ് വീഡിയോ വൈറലായത് . നിരവധിപേരാണ് വീഡിയോയ്ക്ക് താഴെ കമന്റ് ചെയ്തിരിക്കുന്നതും ഷെയർ ചെയ്തിരിക്കുന്നതും. അതെ സമയം ഇന്ന് സുരേഷ് ഗോപി  തൃശൂരിലെ ഗിരിജാ തിയറ്റര്‍ ഉടമ ഡോ. ഗിരിജയെ  ഷാള്‍ അണിയിച്ച്  ബിജെപിയിലേക്ക് സ്വീകരിച്ചു.