തിരുവനന്തപുരം വിമാനത്താവളത്തില്‍ ഒരു വിഭാഗം ജീവനക്കാരുടെ സമരം... സര്‍വീസുകളെയും യാത്രക്കാരെയും വല്ലാതെ പ്രതിസന്ധിയിലാക്കി, സംയുക്ത തൊഴിലാളി യൂണിയനുകളുടെ നേതൃത്വത്തിലാണ് പണിമുടക്ക്
തിരുവനന്തപുരം വിമാനത്താവളത്തില്‍ ഒരു വിഭാഗം ജീവനക്കാരുടെ സമരം... സര്‍വീസുകളെയും യാത്രക്കാരെയും വല്ലാതെ പ്രതിസന്ധിയിലാക്കി, സംയുക്ത തൊഴിലാളി യൂണിയനുകളുടെ നേതൃത്വത്തിലാണ് പണിമുടക്ക്
രാത്രി തുടങ്ങിയ പ്രതിഷേധം തിരുവനന്തപുരം വിമാനത്താവളത്തിലെ സര്‍വീസുകളെയും യാത്രക്കാരെയും വല്ലാതെ ബാധിച്ചു. എയര്‍ഇന്ത്യ സാറ്റ്‌സിലെ കരാര്‍ തൊഴിലാളികളാണ് പണിമുടക്കിന് നേതൃത്വം നല്‍കുന്നത്.
ശമ്പള പരിഷ്‌കാരവും ബോണസും ആവശ്യപ്പെട്ടാണ് ജീവനക്കാര്‍ സമരം നടത്തുന്നത്. ഇവിടുത്തെ സംയുക്ത തൊഴിലാളി യൂണിയനുകളുടെ നേതൃത്വത്തിലാണ് പണിമുടക്ക് . സമരം വിമാനത്താവളത്തിന്റെ പ്രവര്‍ത്തനത്തെ സാരമായി ബാധിച്ചിട്ടുണ്ട്.
ബെംഗളുരുവില്‍ നിന്ന് രാത്രി എത്തിയ വിമാനത്തില്‍ നിന്ന് യാത്രക്കാരെ ഇറക്കാന്‍ അരമണിക്കൂറോളം വൈകിയിരുന്നു. പണിമുടക്കുന്ന ജീവനക്കാര്‍ക്ക് പകരമായി താത്കാലിക ജീവനക്കാരെ നിയോഗിച്ച് പ്രശ്‌നം പരിഹരിക്കാനായി വിമാന കമ്പനി അധികൃതര്‍ ശ്രമിച്ചത് വിമാനത്താവളത്തില്‍ വളരെ വലിയ പ്രശ്‌നമായി മാറി. സര്‍വീസുകള്‍ തടസ്സപ്പെടാതിരിക്കാനായി ബദല്‍ സംവിധാനം ഒരുക്കിയിട്ടുണ്ടെന്നാണ് കമ്പനി അധികൃതരുടെ അറിയിപ്പുള്ളത്.
അതേസമയം ഗ്രൗണ്ട് ഹാന്‍ഡലിംങ് ജീവനക്കാരുടെ സമരം തുടരുന്ന തിരുവനന്തപുരം വിമാനത്താവളത്തില്‍ വിമാനങ്ങള്‍ റദ്ദാക്കിയിട്ടില്ലെന്ന് വിമാനത്താവള അധികൃതര്‍. ചില സര്‍വീസുകളില്‍ അര മണിക്കൂര്‍ താമസം മാത്രമേ ഉണ്ടായിട്ടുള്ളൂവെന്നാണ് വിശദീകരണമുള്ളത്. സമരം ചെയ്യുന്ന ജീവനക്കാര്‍ക്ക് പകരം ജീവനക്കാരെ നിയോഗിച്ച് ജോലി നടക്കുന്നുണ്ടെന്ന് അധികൃതര്‍ .
അതേസമയം സമരവുമായി മുന്നോട്ട് പോകുമെന്നാണ് തെഴിലാളികളുടെ നിലപാട്. എയര്‍ ഇന്ത്യ സാറ്റ് സിലെ ഗ്രൗണ്ട് ഹാന്‍ഡ്ലിംഗ് വിഭാഗം കരാര്‍ തൊഴിലാളികളാണ് പണിമുടക്കുന്നത്.
https://www.facebook.com/Malayalivartha
