ദാഹജലം കിട്ടാതെ..... നഗരത്തിലെ തടസ്സപ്പെട്ട കുടിവെള്ള വിതരണം ഇന്ന് പുനരാരംഭിക്കുമെന്ന പ്രതീക്ഷയില് ജനം
ദാഹജലം കിട്ടാതെ..... നഗരത്തിലെ തടസ്സപ്പെട്ട കുടിവെള്ള വിതരണം ഇന്ന് പുനരാരംഭിക്കുമെന്ന പ്രതീക്ഷയില് ജനം. ഉച്ചയ്ക്ക് മുന്പായി താഴ്ന്ന പ്രദേശങ്ങളില് വെള്ളമെത്തിക്കുമെന്നാണ് മന്ത്രി വി ശിവന്കുട്ടി ഇന്നലെ നല്കിയ ഉറപ്പ്.
ഉയര്ന്ന പ്രദേശങ്ങളിലും വൈകുന്നേരത്തോടെ കുടിവെള്ള വിതരണം പുനസ്ഥാപിക്കാനാകുമെന്നാണ് വാട്ടര് അതോറിറ്റി . നഗരത്തില് പമ്പിങ്ങ്, ഇന്നലെ രാത്രി വീണ്ടും തുടങ്ങിയെങ്കിലും ചിലയിടങ്ങളില് ലീക്ക് കണ്ടെത്തിയതിനാല് തുടരാനായിരുന്നില്ല. തകരാര് പരിഹരിച്ചതിന് ശേഷം പമ്പിങ് പൂര്ണ തോതില് തുടങ്ങുമെന്നാണ് വാട്ടര് അതോറിറ്റി .
തിരുവനന്തപുരം - കന്യാകുമാരി റെയില്വേ പാത ഇരട്ടിപ്പിക്കുന്നതുമായി ബന്ധപ്പെട്ട് നിലവിലെ പൈപ്പുകള് മാറ്റി സ്ഥാപിക്കുന്ന ജോലിയെ തുടര്ന്ന് നാല് ദിവസമായി നഗരത്തില് കുടിവെള്ളം മുടങ്ങിയിരുന്നു. 44 വാര്ഡുകളിലേക്കുള്ള കുടിവെള്ള വിതരണമാണ് നിര്ത്തിവച്ചിരുന്നത്. പൂര്ണമായും പമ്പിങ് തുടങ്ങുന്നത് വരെ ഈ പ്രദേങ്ങളില് ടാങ്കറുകളില് ജലവിതരണം തുടരുമെന്ന് നഗരസഭ . കുടിവെള്ള പ്രശ്നം രൂക്ഷമായതോടെ മന്ത്രി വി.ശിവന്കുട്ടി യോഗം വിളിച്ച് പ്രശ്ന പരിഹാരം ചര്ച്ച ചെയ്തിട്ടുണ്ടായിരുന്നു.
https://www.facebook.com/Malayalivartha