റമ്പൂട്ടാൻ കുരു വീണ്ടും വില്ലനായി
റമ്പൂട്ടാൻ കുരു വീണ്ടും വില്ലനായി. എറണാകുളം പെരുമ്പാവൂർ സ്വദേശി മൻസൂറിന്റെ മകൾ നൂറ ഫാത്തിമക്കാണ് റംമ്പൂട്ടാന് പഴം കഴിക്കുന്നതിനിടെ കുരു തൊണ്ടയില് കുരുങ്ങി ജീവൻ നഷ്ടമായത്. ആശുപത്രിയിൽ എത്തിച്ചെങ്കിലും കുട്ടിയുടെ ജീവൻ രക്ഷിക്കാനായില്ല. ഞായറാഴ്ച വൈകീട്ട് വീട്ടില് മറ്റുകുട്ടികള്ക്കൊപ്പം റമ്പൂട്ടാന് കഴിക്കുന്നതിനിടെയാണ് സംഭവം.
ശ്വാസതടസ്സം അനുഭവപ്പെട്ട് കുഴഞ്ഞുവീണ കുട്ടിയെ ഉടന് ആശുപത്രിയിലെത്തിച്ചെങ്കിലും അപ്പോഴേയ്ക്കും മരിച്ചു. കണ്ടന്തറ ഹിദായത്തുൽ ഇസ്ലാം സ്കൂളിലെ യു.കെ.ജി വിദ്യാർഥിനിയാണ്. മാതാവ്: ജിഷമോൾ. സഹോദരങ്ങൾ: ബീമ ഫാത്തിമ, ഐസ ഫാത്തിമ. ഖബറടക്കം തിങ്കളാഴ്ച രാവിലെ 10ന് കണ്ടന്തറ ജുമാമസ്ജിദ് ഖബർസ്ഥാനിൽ.
മുമ്പും റമ്പൂട്ടാൻ കുരു തൊണ്ടയിൽ കുടുങ്ങി എട്ടു മാസം പ്രായമുള്ള കുഞ്ഞ് മരണപ്പെട്ട വാർത്തകൾ പുറത്തു വന്നിരുന്നു. റമ്പൂട്ടാൻ പഴം പൊളിച്ചു നൽകുന്നതിനിടെ കുട്ടിയുടെ തൊണ്ടയിൽ കുടുങ്ങുകയായിരുന്നു. ശ്വാസംമുട്ടൽ അനുഭവപ്പെട്ടതിനെ തുടർന്ന് ഉടൻ സ്വകാര്യ ആശുപത്രിയിൽ എത്തിച്ചെങ്കിലും മരണപ്പെടുക ആയിരന്നു.
https://www.facebook.com/Malayalivartha