ബൈക്ക് നിയന്ത്രണം വിട്ട് വൈദ്യുതി പോസ്റ്റിലിടിച്ചുണ്ടായ അപകടത്തില് നഴ്സായ യുവാവിന് ദാരുണാന്ത്യം
മാങ്കാംകുഴിയില് ബൈക്ക് നിയന്ത്രണം വിട്ട് വൈദ്യുതി പോസ്റ്റിലിടിച്ചുണ്ടായ അപകടത്തില് നഴ്സായ യുവാവിന് ദാരുണാന്ത്യം. മാങ്കാംകുഴി പുതുച്ചിറ ജിതിന് നിവാസില് വിമുക്ത ഭടനായ മധുവിന്റെ മകന് ജിതിന് മധു (30 )ആണ് മരിച്ചത്. കഴിഞ്ഞ ദിവസം രാത്രി പതിനൊന്നോടെ വെട്ടിയാര് കോട്ടാലേത്ത് ക്ഷേത്രത്തിന് സമീപം വെച്ചായിരുന്നു അപകടം നടന്നത്.
അതേസമയം എംസി റോഡില് കൂത്താട്ടുകുളത്ത് ആറ് വാഹനങ്ങള് കൂട്ടിയിടിച്ച് 35 പേര്ക്ക് പരിക്ക്. റോഡിന് മധ്യ ഭാഗത്ത് നിര്ത്തിയിട്ടിരുന്ന ജീപ്പിന് പിന്നില് പിക്കപ്പ് ജീപ്പും പിന്നാലെ ടിപ്പര് ലോറിയും ട്രാവലറും കെഎസ്ആര്ടിസിയും അതിന്റെ പിന്നിലായി കാറും വന്നിടിച്ചു.
വൈകുന്നേരം 5.30ഓടെയാണ് അപകടം ഉണ്ടായത്. കൂത്താട്ടുകുളം ടൗണില് വി സിനിമാ തിയേറ്ററിന് സമീപത്തായാണ് അപകടം നടന്നത്. ഇടിയുടെ ആഘാതത്തില് കെഎസ്ആര്ടിസി ബസ്, ട്രാവലര്, കാര് എന്നിവയിലുണ്ടായിരുന്ന ആളുകള്ക്കാണ് പരിക്കേറ്റത്. പരിക്കേറ്റവരില് ഒരു യുവതിയുടെ നില ഗുരുതരമാണ്. ഇവരെ കോട്ടയത്തെ സ്വകാര്യ ആശുപത്രിയിലേയ്ക്ക് മാറ്റിയിട്ടുണ്ട്
"
https://www.facebook.com/Malayalivartha