ചില ചാനലുകൾ സിസ്റ്റർ ലിനിയുടെ ഭർത്താവിന്റെയും ഭാര്യ പ്രതിഭയുടെയും ഇന്റർവ്യൂ എടുത്ത് പൊലിപ്പിക്കുന്നത് കാണുമ്പോൾ അരോചകം തോന്നുന്നു;  ഇത്രയ്ക്ക് ഇന്റർവ്യൂ ചെയ്ത് സെലിബ്രേറ്റ് ചെയ്യാനും വേണ്ടി എന്താണ്? ആരാണ് ആ രണ്ട് പേർ?  തുറന്നടിച്ച് അഞ്ജു പാർവതി പ്രഭീഷ് ;

 സിസ്റ്റർ ലിനി എന്നും ഒരു നീറുന്ന, നോവുന്ന ഓർമ്മയാണ്, ഒപ്പം ആ കത്തും  . അവരുടെ ആ വിയോഗവാർത്ത അറിഞ്ഞപ്പോൾ ഏറ്റവും നോവിച്ച സംഗതി ആ പറക്ക മുറ്റാത്ത രണ്ട് ഓമന കുട്ടികളുടെ മുഖങ്ങൾ തന്നെയായിരുന്നു. ആ കുഞ്ഞുങ്ങൾക്ക് നല്ലൊരു ജീവിതം, കരുതൽ, താങ്ങും തണലും ഉണ്ടാവണം എന്ന് തന്നെയാണ് ഓരോ മലയാളി മനസ്സും ആഗ്രഹിച്ചത്. അതൊക്കെ അവർക്ക് ആവോളം കിട്ടുന്നുണ്ട് എന്ന് തന്നെയാണ് ഈ നിമിഷം വരേയ്ക്കും ഉള്ള വിശ്വാസം.

ഇപ്പോൾ ഇങ്ങനെ എഴുതാൻ കാരണം  ചില ചാനലുകൾ സിസ്റ്റർ ലിനിയുടെ ഭർത്താവിന്റെയും ഭാര്യ പ്രതിഭയുടെയും ഇന്റർവ്യൂ എടുത്ത് പൊലിപ്പിക്കുന്നത് കാണുമ്പോൾ തോന്നുന്ന അരോചകം നിമിത്തമാണ്. സിസ്റ്റർ ലിനി, അവരുടെ ആ കത്ത്, അത് രണ്ടും ഉള്ളത് കൊണ്ട് ലോകം അറിഞ്ഞ, സർക്കാർ ജോലി കിട്ടിയ ഭർത്താവ് സജീഷ്, അങ്ങനെയൊരാളെ വിവാഹം ചെയ്തതിലൂടെ കുറച്ച് പേർ ശ്രദ്ധിച്ച രണ്ടാം ഭാര്യ. അതിനപ്പുറം ഇത്രയ്ക്ക് ഇന്റർവ്യൂ ചെയ്ത് സെലിബ്രേറ്റ് ചെയ്യാനും വേണ്ടി എന്താണ്, ആരാണ് ആ രണ്ട് പേർ? ഒരു മരണം കൊണ്ട്, ഒരുപക്ഷേ അവർ പോലും അറിയാതെ benefited ആയ രണ്ട് ആളുകൾ.  സിസ്റ്റർ ലിനി, അത് കഴിഞ്ഞാൽ ആ രണ്ട് പൊന്ന് മക്കൾ ഇതിനപ്പുറം സജീഷ് -പ്രതിഭ ദാമ്പത്യം ഒരു വിഷയമേ അല്ല സാധാരണ മനുഷ്യർക്ക്.

ആ രണ്ട് കുട്ടികൾ നന്നായിട്ട് ഇരിക്കണം, വളരണം എന്ന ഒരു parental concern കേരള സമൂഹത്തിന് ഉണ്ട്. പല ഇന്റർവ്യൂകളിലും ആ കുഞ്ഞുങ്ങൾ ഇല്ല, അവർക്ക് പറയാനുള്ളതും ഇല്ല. എന്തിനധികം സിസ്റ്റർ ലിനി എന്ന ഒരാളെ ഈ ഭൂമിയിൽ ജനിപ്പിച്ച അവരുടെ മാതാപിതാക്കളും ഇല്ല. ഉള്ളത് അപ്പടി സജീഷ് -പ്രതിഭ ദമ്പതികളുടെ വിശേഷം മാത്രം. അവർ ആടിയാലും പാടിയാലും റീൽസ് ഇട്ടാലും ആർക്കും ഒന്നുമില്ല, അവരുടെ ആ പ്രൈവറ്റ് സ്‌പേസ് വിശേഷങ്ങൾ അറിയാനും ആർക്കും താല്പര്യം ഇല്ല എന്നൊന്ന് ഈ ചാനൽ അവതാരങ്ങൾക്ക് മനസ്സിലായെങ്കിൽ   മലയാളികൾക്ക് സിസ്റ്റർ ലിനി എന്നെന്നും മനസ്സിലുണ്ടാവും. ഒപ്പം അവരുടെ രണ്ട് കുഞ്ഞി മക്കളോടുള്ള സ്നേഹവും