ആലപ്പുഴ പൂച്ചാക്കലില് വാഹനാപകടത്തില് പരിക്കേറ്റ് ചികിത്സയിലായിരുന്ന വയോധിക മരണത്തിന് കീഴടങ്ങി
ആലപ്പുഴ പൂച്ചാക്കലില് വാഹനാപകടത്തില് പരിക്കേറ്റ് ചികിത്സയിലായിരുന്ന വയോധിക മരണത്തിന് കീഴടങ്ങി. പാണാവള്ളി ഗ്രാമപഞ്ചായത്ത് 15-ാം വാര്ഡില് മേകരമഠത്തില് പരേതനായ പരമേശ്വര പണിക്കരുടെ ഭാര്യ ചന്ദ്രമതി കുഞ്ഞമ്മ (85) യാണ് മരിച്ചത്. കഴിഞ്ഞ മാസം 31 ന് രാവിലെ 8 മണിക്ക് ആലപ്പുഴ പാതിരപ്പള്ളിക്ക് സമീപത്തായി നാഷണല് ഹൈവേയില് വെച്ചാണ് അപകടം സംഭവിച്ചത്.
ചന്ദ്രമതി കുഞ്ഞമ്മയും കുടുംബവും സഞ്ചരിച്ച ഓട്ടോറിക്ഷയില് പുറകേ വന്ന ലോറി ഇടിക്കുകയും ഓട്ടോ മറിഞ്ഞ് ഗുരുതര പരിക്കോടെ ആലപ്പുഴ വണ്ടാനം മെഡിക്കല് കോളേജില് പ്രവേശിപ്പിക്കുകയും ചെയ്യുകയായിരുന്നു.
ഓട്ടോ ഇടിച്ചിട്ട ലോറി നിര്ത്താതെ പോയി. അപകടമുണ്ടാക്കിയ ലോറി ഇതുവരെ പൊലീസിന് കണ്ടെത്താനായി കഴിഞ്ഞിട്ടില്ല. ഓട്ടോയില് ചന്ദ്രമതി കുഞ്ഞമ്മയ്ക്കൊപ്പമുണ്ടായിരുന്ന പേരക്കുട്ടി ശാലിനിയുടെ കാല് ഒടിയുകയും ശസ്ത്രക്രിയക്ക് വിധേയയാക്കുകയും ചെയ്തു.വാഹനത്തിലുണ്ടായിരുന്ന മറ്റ് കുടുംബാംഗങ്ങള് സാരമായ പരിക്കുകളോടെ രക്ഷപ്പെട്ടിരുന്നു.
മെഡിക്കല് കോളേജില് ചികിത്സയിലിരിക്കെ ഇന്നലെ രാവിലെ ആയിരുന്നു ചന്ദ്രമതിയുടെ മരണം. മൃതദ്ദേഹം പോസ്റ്റ്മോര്ട്ടത്തിന് ശേഷം വീട്ട് വളപ്പില് സംസ്ക്കാരം നടത്തി. മക്കള്: രത്നകുമാരി, വിദ്യാകുമാരി, കനകകുമാരി, മിനി കുമാരി, പൈങ്കിളിക്കുഞ്ഞമ്മ.
https://www.facebook.com/Malayalivartha