ആ കാഴ്ച കണ്ണീര്ക്കാഴ്ചയായി... ഗ്യാസ് കുറ്റി ചോര്ന്നതറിയാതെ സ്വിച്ചിട്ടപ്പോള് തീ ആളിപ്പടര്ന്ന് പൊള്ളലേറ്റ വീട്ടമ്മയ്ക്ക് ദാരുണാന്ത്യം
ആ കാഴ്ച കണ്ണീര്ക്കാഴ്ചയായി... ഗ്യാസ് കുറ്റി ചോര്ന്നതറിയാതെ സ്വിച്ചിട്ടപ്പോള് തീ ആളിപ്പടര്ന്ന് പൊള്ളലേറ്റ വീട്ടമ്മയ്ക്ക് ദാരുണാന്ത്യം. മയ്യനാട് കാരിക്കുഴി സുചിത്രമുക്ക് പള്ളിപ്പുരയഴികം വീട്ടില് എന് രത്നമ്മ(74)യാണ് മരിച്ചത്.
തിങ്കളാഴ്ച പുലര്ച്ചെ നാലരയോടെയായിരുന്നു അപകടം നടന്നത്. വീടിന്റെ ഹാളില് കിടന്ന് ഉറങ്ങുകയായിരുന്ന ഇവര് ചായ തയ്യാറാക്കുന്നതിന് അടുക്കള വാതില് തുറന്ന് ലൈറ്റിന്റെ സ്വിച്ചിട്ടപ്പോള് മുറിക്കുള്ളില് തങ്ങിനിന്ന വാതകത്തിന് തീപിടിക്കുകയായിരുന്നു.
തീ ദേഹത്ത് ആളിപ്പടര്ന്ന് ഇവര്ക്ക് ഗുരുതരമായി പൊള്ളലേല്ക്കുകയായിരുന്നു. അടുക്കളയില് നിന്ന് ഹാളിലേക്ക് നിലവിളിച്ചുകൊണ്ടോടിയ രത്നമ്മ ഉടന് തന്നെ കുഴഞ്ഞുവീഴുകയായിരുന്നു. തൊട്ടടുത്ത മുറിയില് ഉറങ്ങുകയായിരുന്ന മകന്റെ ഭാര്യ വെള്ളമൊഴിച്ച് തീ കെടുത്താനായി ശ്രമിച്ചെങ്കിലും പരാജയപ്പെടുകയായിരുന്നു.
പിന്നാലെ ഓടിയെത്തിയ കൊച്ചുമക്കളെല്ലാം ചേര്ന്ന് രത്നമ്മയുടെ ശരീരത്തിലേക്ക് ചാക്ക് നനച്ചിട്ട് തീ കെടുത്തി. ഉടന് തന്നെ പാലത്തറയിലെ സഹകരണ ആശുപത്രിയില് എത്തിച്ച് പ്രാഥമിക ചികിത്സ നല്കി.
50 ശതമാനത്തിലേറെ പൊള്ളലേറ്റ് ഗുരുതരാവസ്ഥയിലായിരുന്നതിനാല് തിരുവനന്തപുരം മെഡിക്കല് കോളജ് ആശുപത്രിയിലേക്ക് മാറ്റുകയായിരുന്നു. . അവിടെ ചികിത്സയിലിരിക്കെ ചൊവ്വാഴ്ച അര്ധരാത്രിയാണ് മരണത്തിന് കീഴടങ്ങി.
"
https://www.facebook.com/Malayalivartha