ചേര്‍ത്തലയില്‍ യുവാവിനെ ആക്രമിച്ച കേസില്‍ മൂന്നു പേര്‍ അറസ്റ്റില്‍. തെക്ക് തിരുവിഴയില്‍ കഴിഞ്ഞ ദിവസമുണ്ടായ സംഘര്‍ഷവുമായി ബന്ധപ്പെട്ടാണ് അര്‍ത്തുങ്കല്‍ പൊലീസ് രജിസ്റ്റര്‍ ചെയ്ത രണ്ട് കേസുകളിലാണ് അറസ്റ്റ്.

ചേര്‍ത്തല തെക്ക് പഞ്ചായത്ത് 14ാം വാര്‍ഡ് കൊല്ലച്ചിറ പ്രഭാകരന്‍ മകന്‍ കുണ്ടുണ്ണി എന്ന മോഹനന്‍ (58) , ചേര്‍ത്തല തെക്ക് 14ാം വാര്‍ഡില്‍ കണ്ടനാട്ട് വെളി ഗോപി മകന്‍ അനീഷ് (36) , ചേര്‍ത്തല തെക്ക് 15 -ാം വാര്‍ഡ് മറ്റത്തില്‍ രവീന്ദ്രന്‍ മകന്‍ കൊച്ചു കുട്ടാപ്പി എന്ന സുജിത്ത് ( 38) എന്നിവരാണ് അറസ്റ്റിലായത്.

തിരുവിഴ 18 കവലക്ക് സമീപത്തായി കഴിഞ്ഞ ദിവസം രാത്രി ചേര്‍ത്തല തെക്ക് മറ്റത്തില്‍ രവീന്ദ്രന്‍ മകന്‍ വലിയ കുട്ടാപ്പി എന്ന് വിളിക്കുന്ന സന്തോഷിനെ തലയ്ക്ക് അടിച്ചും കുത്തിയും പരിക്ക് ഏല്‍പ്പിച്ച കേസില്‍ മോഹനന് എതിരെ വധശ്രമത്തിന് കേസ് രജിസ്റ്റര്‍ ചെയ്ത് അറസ്റ്റ് ചെയ്തിരുന്നു.

സന്തോഷിനെ അക്രമിച്ചതിന് പ്രതികാരമായിട്ട് സന്തോഷിന്റെ സഹോദരന്‍ സുജിത്ത്, സുഹൃത്ത് അനീഷ് എന്നിവര്‍ ചേര്‍ന്ന് മോഹനനെ വീട്ടിലെത്തി കസേര കൊണ്ട് തലയ്ക്ക് അടിച്ച് പരിക്ക് ഏല്പിക്കുകയായിരുന്നു. അക്രമം നടത്തിയ മൂന്നു പേരെയും കോടതിയില്‍ ഹാജരാക്കി റിമാന്‍ഡിലാക്കി.