നാട്ടിലെ എല്ലാ ജീവകാരുണ്യ പ്രവര്ത്തനങ്ങളിലും നിറസാന്നിധ്യമായിരുന്ന സഹിലിന്റെ വേര്പാട് തീരാനൊമ്പരമായി..
നാട്ടിലെ എല്ലാ ജീവകാരുണ്യ പ്രവര്ത്തനങ്ങളിലും നിറസാന്നിധ്യമായിരുന്ന സഹിലിന്റെ വേര്പാട് തീരാനൊമ്പരമായി... എല്ലാവരും സ്നേഹത്തോടെ ഇക്രു എന്നാണ് വിളിച്ചിരുന്നത്.
ആര്യാട് പഞ്ചായത്ത് ഒമ്പതാം വാര്ഡ് പരുത്തിച്ചിറ വീട്ടില് പരേതനായ സിയാദിന്റെ മകന് സഹില് എന്ന ഇക്രു (34) സെപ്റ്റംബര് 10നാണ് അപകടത്തില്പെട്ടത്. മണ്ണഞ്ചേരി കുളവേലില് വീട്ടിലെ തെങ്ങ് മുറിച്ച് മാറ്റുന്നതിനിടെയാണ് അപകടം സംഭവിച്ചത്.
സുരക്ഷാ ബെല്റ്റ് ധരിച്ച് കയറിയ സഹില് തെങ്ങിന്റെ തലഭാഗം മുറിച്ച ശേഷം താഴേക്ക് ഇറങ്ങുന്നതിനിടെ തെങ്ങ് ചുവടോടെ മറിഞ്ഞ് നിലം പതിക്കുകയായിരുന്നു. മണ്ണഞ്ചേരി പഞ്ചായത്ത് പത്താം വാര്ഡ് കളരിക്കല് വെളിയില് വാടക വീട്ടില് കഴിഞ്ഞിരുന്ന സഹില് പ്രളയത്തിലും കോവിഡ് സമയത്തും അഭിനന്ദനാര്ഹമായ നിരവധി പ്രവര്ത്തനങ്ങള് കാഴ്ച വെച്ചിട്ടുണ്ടായിരുന്നു.
നിര്ധനനായ സഹിലിനെ ജീവിതത്തിലേക്ക് തിരികെ കൊണ്ട് വരാന് ആര്യാട് പഞ്ചായത്തിന്റെയും പി.പി. ചിത്തരഞ്ജന് എം.എല്.എയുടെയും ജനപ്രതിനിധികളുടെ നേതൃത്വത്തില് നാട്ടുകാര് സഹായ സമിതിയും വാട്സാപ്പ് കൂട്ടായ്മയും രൂപീകരിച്ച് ചികിത്സാ ചെലവും കണ്ടെത്തിയിരുന്നു. ചികിത്സയില് തുടരവെ വ്യാഴാഴ്ച പുലര്ച്ചെയായിരുന്നു അന്ത്യം.
വൈകീട്ട് തെക്കനാര്യാട് മഹല്ല് മദ്റസ ഹാളില് പൊതുദര്ശനത്തിന് വെച്ച ഭൗതിക ദേഹം വടക്കനാര്യാട് മഹല്ല് ഖബര്സ്ഥാനില് രാത്രി ഏഴരയോടെ വന് ജനാവലിയുടെ സാന്നിധ്യത്തില് ഖബറടക്കം നടന്നു.
"
https://www.facebook.com/Malayalivartha