കെഎസ്ആര്‍ടിസി ബസും മീന്‍ലോറിയും കൂട്ടിയിടിച്ച് മലപ്പുറത്ത് ഒരാള്‍ക്ക് പരുക്ക്. കുന്നുമ്മലില്‍ പെട്രോള്‍ പമ്പിനു സമീപത്തുവച്ചാണ് അപകടം സംഭവിച്ചത്്. വെള്ളിയാഴ്ച പുലര്‍ച്ചെ കോഴിക്കോട്ട് നിന്ന് പാലക്കാട്ടേക്ക് പോകുകയായിരുന്ന കെഎസ്ആര്‍ടിസിയിലേക്ക് മലപ്പുറം ജൂബിലി റോഡില്‍ നിന്ന് വന്ന മീന്‍ ലോറി ഇടിക്കുകയായിരുന്നു.

ഇടിയുടെ ആഘാതത്തില്‍ ലോറിയുടെ വലതുഭാഗവും കെഎസ്ആര്‍ടിസിയുടെ മുന്‍ഭാഗവും തകര്‍ന്നനിലയിലാണ്. ബസിന്റെ മുന്‍ഭാഗത്തെ ചില്ലും എന്‍ജിന് സമീപമുള്ള കവചവും പൂര്‍ണ്ണമായും തകര്‍ന്നനിലയിലാണ്. അപകടത്തില്‍ പരുക്കേറ്റ ബസ് യാത്രികനെ മലപ്പുറത്തെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.