മുഖ്യമന്ത്രിയുടെയും പരിവാരങ്ങളുടെയും ആരോ​ഗ്യ പരിപാലനത്തിനായി സർക്കാർ ഖജനാവിൽ നിന്ന് പൊടിച്ചത് കോടികൾ‌. സാമ്പത്തിക പ്രതിസന്ധി അതിരൂക്ഷമാകുന്നതിനിടെയാണ് വിവരകാശരേഖ പുറത്തുവന്നിരിക്കുന്നത്. കുടുംബാം​ഗങ്ങളുടെ ചികിത്സ ചെലവ് ഉൾപ്പടെ ജൂലൈ മാസം വരെ 1.52 കോടി രൂപയാണ് മന്ത്രിമാർ ചെവഴിച്ചത്.പട്ടികയിൽ എല്ലാ തവണത്തേയും പോലെ മുഖ്യമന്ത്രിയാണ് മുൻപന്തിയിൽ. വിദേശത്ത് പോയി ചികിത്സിച്ചത് ഉൾപ്പടെ 77.4 ലക്ഷം രൂപയാണ് കൈപ്പറ്റിയത്. മറ്റ് മന്ത്രിമാരിൽ കെ. കൃഷ്ണൻകുട്ടിയാണ് കൂടുതൽ തുക കൈപ്പറ്റിയത്. 30.59 ലക്ഷം രൂപയാണ് അദ്ദേഹം കൈപ്പറ്റിയത്.

മന്ത്രിമാരെ കൂടാതെ പ്രതിപക്ഷ നേതാവ് വിഡി സതീശൻ 1.34 ലക്ഷവും ചീഫ് വിപ്പ് ഡോ. എൻ ജയരാജ് 16,100 രൂപയും ചികിത്സ ചെലവിനത്തിൽ‌ തുക കൈപ്പറ്റിയിട്ടുണ്ട്.ചില കണക്കുകൾ വായിക്കാം...
വി ശിവൻകുട്ടി- 13,29,235 രൂപ,
എംവി ​ഗോവിന്ദൻ- 2,22,256 രൂപ, (2021 മേയ് 20- 2022 സെപ്റ്റംബർ 05)
കെ. രാധാകൃഷ്ണൻ- 99,129 രൂപ,
ആർ. ബിന്ദു- 3,01,905,
വി. അബ്ദുറ​ഹിമാൻ- 2,87,920 രൂപ,
എംബി രാജേഷ് -2,45,883
അഹമ്മദ് ദേവർകോവിൽ (2021 മേയ് 20- 2023 ഡിസംബർ 24) 4,04,020
ആന്റണി രാജു (2021 മേയ് 20- 2023 ഡിസംബർ 24) -6,11,242
കെ. കൃഷ്ണൻകുട്ടി 30,59,406
എ.കെ. ശശീന്ദ്രൻ 2,44,865
വി.എൻ. വാസവൻ 2,42,463

കെ.എൻ. ബാലഗോപാൽ 1,91,601
ജി.ആർ. അനിൽ 1,22,000
ജെ. ചിഞ്ചുറാണി 99,535
സജി ചെറിയാൻ 12,096 എന്നിങ്ങനെയാണ് മറ്റ് മന്ത്രിമാർ ചികിത്സ ഇനത്തിൽ കൈപ്പറ്റിയ തുക.കഴിഞ്ഞ വർഷം ആരോ​ഗ്യ പരിപാലനത്തിനായി 9‌2.58 ലക്ഷം രൂപയായിരുന്നു. ഇതിൽ 68 ലക്ഷം രൂപയും ചെലവായത് മുഖ്യമന്ത്രിക്കായായിരുന്നു.മന്ത്രിമാരായ കെ. രാജൻ, വീണാ ജോർജ്, രാമചന്ദ്രൻ കടന്നപ്പള്ളി, പി. പ്രസാദ്, കെ.ബി. ഗണേഷ്‌കുമാർ, പി. രാജീവ്, റോഷി അഗസ്റ്റിൻ, മുഹമ്മദ്‌ റിയാസ്, ഒ.ആർ. കേളു എന്നിവർ ചികിത്സയ്ക്ക് പണം വാങ്ങിയിട്ടില്ല.

ഇതിപ്പോൾ ജനങ്ങളെ നന്നാക്കാനും നാടിനെ വളർത്താനും ഇറങ്ങിയ സർക്കാരിലെ മന്ത്രിമാരെ ചികിൽസിക്കാൻ ജനം അങ്ങോട്ട് പണം പിരിച്ചു കൊടുക്കേണ്ട അവസ്ഥയാണ് . അത്രയും തുക മറ്റുള്ള ആവശ്യങ്ങൾക്ക് ചെലവഴിച്ചിരുന്നു എങ്കിൽ എത്ര നന്നായേനെ...എന്നിട്ട് ഇപ്പോൾ അവസാനം പാവപെട്ട അമ്മമാർക്കും അമ്മുമ്മർക്കും പെൻഷൻ പോലും കൊടുക്കാൻ പണമില്ലാതെ മുട്ടിലിഴയുന്ന സർക്കാരും. അതിന് കാശ് ചോദിക്കുമ്പോൾ കൈ മലർത്തുകയും കേന്ദ്രത്തിനെ പഴിക്കുകയും ചെയ്യുന്ന മന്ത്രിമാരും. കേരളം ഈ അവസ്ഥയിൽ മുൻപോട്ട് പോയാൽ പടുകുഴിയിൽ ചെന്ന് വീഴും എന്നുള്ള കാര്യത്തിൽ യാതൊരു സംശയവുമില്ല.