വെള്ളറട, ആനപ്പാറയില്‍ ബൈക്ക് ഷോറൂമും ഉടമയെ കുത്തിക്കൊലപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍
വെള്ളറട, ആനപ്പാറയില്‍ ബൈക്ക് ഷോറൂമും ഉടമയെ കുത്തിക്കൊലപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍. വെള്ളറടയില്‍ രണ്ടുമാസം മുമ്പാണ് സംഭവം നടന്നത്.
ആനപ്പാറ സ്വദേശിയായ ഷോറൂം ഉടമയായ സണ്ണിയെ സാമ്പത്തിക ഇടപാടിന്റെ വൈരാഗ്യത്തിലാണ് കുത്തിക്കൊലപ്പെടുത്താനായി ശ്രമിച്ചത്. ഈ സംഭവത്തില്‍ കള്ളിക്കാട്, നരകത്തിന്‍ കുഴി സ്വദേശിയായ മിഥുനെയാണ് (24) വെള്ളറട പോലീസ് അറസ്റ്റ് ചെയ്തത്.
വെള്ളറട, ആനപ്പാറയില്‍ സണ്ണി എന്ന യുവാവ് പഴയ വാഹനങ്ങള്‍ വില്‍പ്പന നടത്തുന്ന ബൈക്ക് ഷോറൂം നടത്തിവന്നിരുന്നു. കൊവിഡ് സമയത്ത് മിഥുന് ഷോറൂമിലെത്തി ബൈക്ക് വാങ്ങുന്നതിനായി കുറച്ചു തുക നല്‍കി. ബാക്കി തുകയുമായി ഉടനെ എത്താമെന്ന് പറഞ്ഞ് മടങ്ങിപ്പോയിരുന്നു. മാസങ്ങള്‍ക്ക് ശേഷം സണ്ണി ബൈക്ക് ഷോറൂം അടച്ചുപൂട്ടി.
എന്നാല്‍ ബൈക്ക് വാങ്ങാനായി മിഥുന് എത്തിയപ്പോഴാണ് ഷോറൂം നിര്‍ത്തലാക്കിയ വിവരമറിഞ്ഞത്. തുടര്‍ന്ന് സണ്ണിയുമായി ബന്ധപ്പെട്ടപ്പോള്‍ പകരം മറ്റൊരു ബൈക്ക് നല്‍കുകയായിരുന്നു. എന്നാല്‍ മിഥുന് ബാക്കി പണം കൊടുക്കാനുണ്ടായിരുന്നു. വര്‍ഷങ്ങള്‍ക്ക് ശേഷം വീണ്ടുമെത്തി പണം ആവശ്യപ്പെട്ടപ്പോള്‍ നല്‍കിയില്ലായെന്ന കാരണത്താലാണ് ഉടമയെ കുത്തി കൊലപ്പെടുത്താന്‍ ശ്രമിച്ചത്.
സംഭവത്തിനുശേഷം മിഥുന് ഇടുക്കി, വയനാട്, കൊല്ലം എന്നിവിടങ്ങളില്‍ ഒളിവില്‍ താമസിച്ചു വരികയായിരുന്നു. കഴിഞ്ഞദിവസം വീട്ടിലെത്തിയെന്നറിഞ്ഞ് വെള്ളറട പോലീസ് സ്ഥലത്തെത്തിയപ്പോള്‍ പോലീസിന്റെ കണ്ണു വെട്ടിച്ച് രക്ഷപ്പെടാനായി ശ്രമിച്ചയെങ്കിലും പോലീസ് ഓടിച്ചിട്ട് പിടികൂടി. ഇയാളെ കോടതിയില്‍ ഹാജരാക്കി റിമാന്‍ഡിലാക്കി,
"
https://www.facebook.com/Malayalivartha
