വയനാട് ചുരം ഒമ്പതാം വളവിന് മുകളില്‍ കാര്‍ നിയന്ത്രണം വിട്ട് ചാലിലേക്ക് മറിഞ്ഞ് മൂന്ന് പേര്‍ക്ക് പരിക്കേറ്റു. കോഴിക്കോട് മെഡിക്കല്‍ കോളജ് സ്വദേശികളായ അബ്ദുല്‍ ഗഫൂര്‍, സുബൈര്‍, സൈറാബി എന്നിവര്‍ക്കാണ് പരിക്കേറ്റത്. സൈറാബിയുടെ പരിക്ക് ഗുരുതരമാണ്.

മറ്റൊരു സംഭവത്തില്‍ വൈത്തിരിപടിഞ്ഞാറത്തറ റോഡില്‍ 12ാം പാലത്തിലുണ്ടായ സ്‌കൂട്ടര്‍ അപകടത്തില്‍ രണ്ട് പേര്‍ക്ക് പരുക്ക്. 12ാം പാലം സ്വദേശികളായ അനന്തകൃഷ്ണന്‍ (22), ഹസീബ് (21) എന്നിവര്‍ക്കാണ് പരിക്കേറ്റത്. അനന്തകൃഷ്ണന്റെ പരിക്ക് ഗുരുതരമാണ്. രണ്ടു പേരെയും കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റിയിരിക്കുകയാണ്.