കൊല്ലം ഇരട്ടക്കടയില് 19 കാരനെ കുത്തി കൊലപ്പെടുത്തിയതിന് പിന്നില് മുന് വൈരാഗ്യമെന്ന് പൊലീസ്
കൊല്ലം ഇരട്ടക്കടയില് 19 കാരനെ കുത്തി കൊലപ്പെടുത്തിയതിന് പിന്നില് മുന് വൈരാഗ്യമെന്ന് പൊലീസ്. മകളുമായുള്ള പ്രണയ ബന്ധത്തില് നിന്ന് പിന്മാറാത്തതില് പ്രതി പ്രസാദിന് അരുണിനോട് പകയുണ്ടായി.
ഒടുവില് ്പ്രശ്നം പരിഹരിക്കാമെന്ന് പറഞ്ഞാണ് ബന്ധുവീട്ടിലേക്ക് യുവാവിനെ വിളിച്ച് വരുത്തിയതെന്നും പൊലീസ് പറയുന്നു. കൊല്ലം ഇരവിപുരം സ്വദേശി അരുണ്കുമാര് (19) നെ ഇരവിപുരം വഞ്ചിക്കോവില് സ്വദേശി പ്രസാദ് (44) ശക്തികുളങ്ങര കുത്തിക്കൊന്നത്. അരുണിന്റെ ജീവനെടുത്തത് ശ്വാസകോശത്തിലേറ്റ ആഴത്തിലുള്ള മുറിവെന്ന് പോസ്റ്റ്മോര്ട്ടം റിപ്പോര്ട്ടില് പറയുന്നത്. ശ്വാസകോശത്തില് രക്തം പടര്ന്നത് മരണകാരണമെന്ന് പോസ്റ്റ്മോര്ട്ടത്തിലെ കണ്ടെത്തല്.
അതേസമയം മകളെ അരുണ് കാണാനെത്തുന്നത് പ്രതി എതിര്ത്തിരുന്നു. പ്രസാദ് മദ്യലഹരിയില് ആയിരുന്നുവെന്നും അരുണിന്റെ വീട്ടിലെത്തിയും പ്രസാദ് ഭീഷണി മുഴക്കിയിരുന്നുവെന്നും പൊലീസ് . പ്രശ്നം പരിഹരിക്കാമെന്ന് പറഞ്ഞാണ് ബന്ധുവീട്ടിലേക്ക് യുവാവിനെ വിളിച്ച് വരുത്തിയത്.
തുടര്ന്ന് കയ്യില് കരുതിയ കത്തികൊണ്ട് അരുണിനെ പ്രസാദ് കുത്തിയെന്നും പൊലീസ് കണ്ടെത്തി. സംഘര്ഷത്തില് പ്രതിക്കും പരിക്കേറ്റിട്ടുണ്ട്. പ്രതിയുടെ പല്ല് കൊഴിഞ്ഞു.
അരുണിന്റേത് ദുരഭിമാനക്കൊല അല്ലെന്നും പൊലീസ് പറയുന്നു. ഇതര മതക്കാരനായതിനാലാണ് മകളുമായുള്ള ബന്ധത്തെ പ്രസാദ് എതിര്ത്തതെന്ന് അരുണിന്റെ മാതൃസഹോദരി ആരോപിച്ചിട്ടുണ്ടായിരുന്നു.
"
https://www.facebook.com/Malayalivartha