സുരേഷ് ഗോപിയുടെ താരപരിവേഷവും ജനങ്ങള്‍ക്ക് അദ്ദേഹത്തോടുളള ആരാധനയും ഒരു കാരണമാണെങ്കില്‍ മറ്റൊരു കാരണം രാഷ്ട്രീയത്തില്‍ പ്രവേശിക്കുന്നതിനും എത്രയോ മുന്‍പ് കഷ്ടപ്പെടുന്നവനെ അറിഞ്ഞ് സഹായിക്കാനും അവന്റെ പ്രശ്‌നങ്ങളില്‍ ഇടപെടാനുമുളള ആ മനോഭാവമാണ്. പലപ്പോഴും തന്നെ കാണാൻ എത്തുന്നവർക്ക് കയ്യയഞ്ഞ് സഹായം നൽകുന്ന വ്യക്ത്യൻ സുരേഷ് ഗോപി . അദ്ദേഹം ഒരുപാട് പേർക്കാണ് ഇത്തരത്തിൽ സഹായം നൽകിയിരിക്കുന്നത് . നിർധനരെ പ്രായത്തിന്റെ അവശതകളിൽ ബുദ്ധിമുട്ടുന്നവരെ എല്ലാം സഹായിക്കാൻ അദ്ദേഹത്തിന് യാതൊരു മടിയുമില്ല.

ഇപ്പോൾ മരം വീണ് വീട് നഷ്ടപ്പെട്ട വയോധികയ്‌ക്ക് കിടപ്പാടം വാഗ്ദാനം ചെയ്ത് കേന്ദ്രമന്ത്രി സുരേഷ് ​ഗോപി. കോഴിക്കോട് സ്വദേശിയായ 86-കാരിക്കാണ് കേന്ദ്രമന്ത്രി കൈത്താങ്ങായത്. പിഎം വിശ്വകർമ പദ്ധതയുടെ വാർ‌ഷികാഘോഷത്തിനായി എത്തിയ വേളയിലായിരുന്നു സഹായ വാ​ഗ്ദാനം.രണ്ട് മക്കളും അവരുടെ ഭാര്യമാരും ഉൾപ്പടെ അഞ്ച് പേർ കഴിഞ്ഞിരുന്ന ശാരദയുടെ വീട് കഴിഞ്ഞ മാസമാണ് തകർന്നത്. വീടിന് മുകളിലേക്ക് നാല് മരങ്ങളാണ് ഒടിഞ്ഞുവീണത്. 20 വർഷം മുൻപ് ഭർത്താവ് മരിച്ച ശാരദയുടെ മക്കളിലൊരാൾ ദിവ്യാം​ഗനുമാണ്.

ടാർ‌പ്പായ വിലച്ചുകെട്ടി ജീവിതം തള്ളി നീക്കുന്നതിനിടയിലാണ് കേന്ദ്രമന്ത്രിയുടെ സന്ദ​ർശനത്തെ കുറിച്ച് അറിഞ്ഞത്.പിന്നാലെ നേരിൽ കണ്ട് കാര്യം അറിയിക്കുകയായിരുന്നു.ശരാദമ്മയുടെ വീട് ഇരിക്കുന്ന സ്ഥലത്തെ ചൊല്ലി കേസും നിലനിൽക്കുന്നുണ്ട്. കേസ് അവസാനിക്കുന്ന ഉടൻ തന്നെ താമസ സൗകര്യം ഒരുക്കി നൽകുമെന്ന് സുരേഷ് ​ഗോപി ഉറപ്പും നൽകി. സുരേഷ് ​ഗോപിയുടെ ഛായചിത്രവും ശാരദാമ്മയ്‌ക്ക് സമ്മാനിച്ചു.