സിപിഎം അതിന്റെ അന്ത്യം അടുത്തതോടെ ഏത് ബൂര്ഷ്വാ പാര്ട്ടിയിലുമെന്നപ്പോലെ, അളിഞ്ഞ് കെട്ട് നാറുകയാണ്
സിപിഎമ്മിലെ ഇനിയുള്ള വെടിക്കെട്ടിന്റെ സാമ്പിളാണ് ഇപ്പോള് കണ്ടുകൊണ്ടിരിക്കുന്നത്. സിപിഎം അതിന്റെ അന്ത്യം അടുത്തതോടെ ഏത് ബൂര്ഷ്വാ പാര്ട്ടിയിലുമെന്നപ്പോലെ, അതോ അതിനുമപ്പുറമോ അളിഞ്ഞ് കെട്ട് നാറുകയാണ്. സഖാക്കളെ നമ്മുടെ പാര്ട്ടിയെ ഇവന്റെയൊക്കെ അണ്ണാക്കില് കൊണ്ടുവെച്ച് വിലപറയണോ? കടലിനക്കരെ സ്വര്ണ്ണ നിധികുംഭങ്ങളാണ് അവര് സൂക്ഷിക്കുന്നത്. അതുകൊണ്ടാണ് അടിക്കടി കടലിനക്കരെയുള്ള യാത്ര.
പിണറായി വിജയന് ആധിപത്യം ഉറപ്പിച്ചതോടെ കേരളരാഷ്ട്രീയത്തില് വി എസ് / പിണറായി ദ്വന്ദം അവസാനിച്ചു. ഇനി പിണറായി / പി വി അന്വര് യുഗത്തിന്റെ തിര നോട്ടമായി. നയ ലംഘനങ്ങളുടെയും നയവ്യതിയാനങ്ങളുടെയും , തിരുത്തല് പ്രക്രിയയുടെയും പേരിലുള്ള വിവാദങ്ങളുടെ കാലം കഴിഞ്ഞു. ഇനി സ്വര്ണ്ണം പൊട്ടിക്കലിന്റെയും ഡോളര് കള്ളക്കടത്തിന്റെയും ചാരപ്പണിയുടെയും മറ്റും കാലമാണ്, ഇ എം എസ് വന്നത് പോലെയാണ് താനും സിപിഎമ്മില് എത്തിയതെന്ന് പി വി അന്വര് മുഖ്യമന്ത്രിയുടെ മുഖത്തടിച്ചത് പോലെ പറഞ്ഞപ്പോള് അതില് എല്ലാം അടങ്ങിയിട്ടുണ്ട്. കരണക്കുറ്റിക്ക് അടികിട്ടിയത് വെച്ചുകൊണ്ടിരിക്കുകയാണ് മുഖ്യമന്ത്രി.. ഇ എം എസ് വന്നതും താന് വന്നതും ഒരേ പാര്ട്ടിയിലേക്കാണെന്ന അന്വറിന്റെ അവകാശവാദം കേള്ക്കുമ്പോള് പഴയ കമ്മ്യൂണിസ്റ്റുകാര്ക്ക് നോവുമെങ്കിലും അതില് ഒരു യഥാര്ഥ്യമുണ്ട്. കളങ്കിത പരിഷകള്ക്ക് ഈ പ്രസ്ഥാനത്തെ വിറ്റത് ആരാണെന്ന ചോദ്യത്തിന് പിണറായി വിജയന് മറുപടി നല്കേണ്ടിവരും.
ഭൂമിയോളം താഴ്ന്ന കുടിലില് തറയില് ചെറ്റ പായ് വിരിച്ചു കിടന്നിരുന്ന പിണറായി വിജയന് എന്നു മുതലാണ് അമ്പര ചുമ്പികളോളം പോന്ന മണി സൌദങ്ങളിലെത്തിയതെന്ന് ഉത്തരം നല്കേണ്ടിവരും?
കോവളത്തെ വന്കിട ഹോട്ടല് ഉടമ വെച്ചുനീട്ടിയ സൗജന്യം സ്വീകരിക്കരുത് എന്ന് വി എസ് കാര്ക്കശ്യത്തോടെ പറഞ്ഞതിനല്ലെ അദ്ദേഹത്തെ പുലഭ്യം വിളിച്ചു കൊണ്ടിരുന്നത്? ഇപ്പോഴോ? കളങ്കിതനായ പിണറായി വിജയന് മേമ്പൊടിക്ക് പോലും ഒരാദര്ശത്തിന്റെ മറ ഉയര്ത്താനില്ല.
കേരളം പെട്ടു. എന്നു തന്നെ പറയണം. താന്തോന്നിയുടെ കരാള ഹസ്തങ്ങളില് പെട്ടു വീര്പ്പ് മുട്ടുകയാണ് ചോരച്ചെങ്കൊടി. മുഖ്യമന്ത്രി ഭൂമിയോളം ഹാലിളകി അട്ടഹസിച്ചു ചിരിക്കുന്നു. അദ്ദേഹത്തിന്റെ പാര്ട്ടിയിലെ തന്നെ കാളക്കൂറ്റന് എം എല് എ യുമായി ശനിയാഴ്ച നടന്ന ഒന്നര മണിക്കൂര് നീണ്ട ഭീകര മല്ലയുദ്ധം കേരളം ഉണ്ടായശേഷം കാണുന്ന ആദ്യസംഭവമാണ്. മുഖ്യമന്ത്രി തന്നെ സ്വന്തം പാര്ട്ടിയെ വാതോരാതെ മുഖ്യമന്ത്രി പുലഭ്യം വിളിക്കുന്നു. കേരളം ഇതിനപ്പുറം അധ:പതിക്കാനുണ്ടോ? ഭരണകൂടത്തിന് ഭ്രാന്ത് പിടിച്ചതാണോ? ജനങ്ങള് ഇത് എങ്ങിനെ സഹിക്കുന്നു? ഇവറ്റകളെ തളയ്ക്കാനുള്ള ചങ്ങല ഇല്ലാത്തത് കൊണ്ടാണോ? ഭ്രാന്ത് ഇല്ലാത്ത ആരും ഭരണപക്ഷത്ത് ഇല്ലെന്നാണോ?ഒരു പേക്കിനാവ് കാണുന്ന അവസ്ഥയിലായിരുന്നില്ലേ കേരളം ഇന്നലെ? സമനില തെറ്റിയ ഇവറ്റകളുടെ നാവാണോ പിഴുതെറിയേണ്ടത് അതോ ആസനത്തില് ആപ്പടിച്ചു കയറ്റുകയായിരുന്നോ കരണീയം എന്ന ധര്മ്മസ ങ്കടത്തിലായിരുന്നു ജനം. അവരുടെ അരയില് നിന്ന് ഉടുതുണി ഉരിഞ്ഞു താഴോട്ട് പോയില്ലെന്ന് മാത്രമേയുളളൂ മഹാരഥന്മാര് കേരളത്തിന് വഴികാട്ടിയ രാഷ്ട്രീയം ഇതാണോ? ഇവറ്റകളെ അടിച്ചിറക്കി ചാണകം തളിച്ചില്ലെങ്കില് ഈ നാടുമുടിയും. കാണ്ടാമൃഗത്തേക്കാള് അധപതിച്ച ജന്തുക്കളാണ് സിംഹാസനങ്ങളില് കയറി കൂടിയിരിക്കുന്നത്.
ഇതാണോ ഒരു മുഖ്യമന്ത്രിയുടെ പത്രസമ്മേളനം? കരണക്കുറ്റിക്ക് രണ്ട് പൊട്ടിക്കാന് ഇവിടെ ആരുമില്ലേ? ജനങ്ങളുടെ പേരില് അധികാര സോപാനങ്ങളില് കയറിക്കൂടിയവര്ക്ക് ഇത്രയ്ക്ക് അഹന്ത പാടുണ്ടോ? ആരാണ് ഈ മുഖ്യമന്ത്രിക്ക് മാതൃകാപുരുഷന്? കേരളം ലജ്ജിക്കുന്നു!
.ഒരു മുഖ്യമന്ത്രിക്കും സ്ത്രീധനം കിട്ടിയതല്ല ഈ മണ്ണ്. ജനങ്ങള് അദ്ധ്വാനിച്ചു ജീവിക്കുന്ന നാടാണിത്. കുറേ സ്വര്ണ കള്ള ക്കടത്തുകാര്ക്കു അമ്മാനമാടി തിമിര്ക്കാനുള്ള നാടല്ല ഇത്. അടിവസ്ത്രത്തില് ഒട്ടിച്ചും തേച്ചും പിടിപ്പിച്ചിരിക്കുന്ന സ്വര്ണ്ണത്തേക്കുറിച്ച് ഈ മുഖ്യമന്ത്രിക്ക് എന്തുമാത്രം അറിവാണ്? വെറുതയല്ല പ്രധാനമന്ത്രി പച്ചയ്ക്ക് കേരള ജനതയോടെ വെട്ടിത്തുറന്ന് പറഞ്ഞത് മുഖ്യമന്ത്രിയുടെ ആസ്ഥാനത്ത് കള്ളക്കടത്താണ് നടക്കുന്നത് എന്ന്? മുഖ്യമന്ത്രിയുടെ ഭരണകേന്ദ്രത്തില് കള്ളക്കടത്താന് നടക്കുന്നതെന്ന് പ്രധാനമന്ത്രി പറയുകയാണെങ്കില് അതിന്റെ തൂക്കം സങ്കല്പ്പിച്ചു നോക്കൂ!
മുഖ്യമന്ത്രിയാണോ അദ്ദേഹത്തിന്റെ അനുചരനാണോ ഇവിടെ കള്ളക്കടത്ത് നടത്തുന്നതെന്നാണല്ലോ മറ്റൊരു തര്ക്കം? ഈ പാര്ട്ടിക്ക് ഇന്ന് നാഥനില്ലേ? പോഴന്മാരേ ഉള്ളോ? അതോ കളക്കടത്തുകാരോ? ജനങ്ങള് എന്ത് അപരാധം ചെയ്തു? . നാട് ഭരിക്കുന്ന നേതാക്കള് തന്നെയാണ് ഇതെല്ലാം വെളിച്ചാത്തക്കുന്നത്! 336 മനുഷ്യ ജീവനുകള് പൊലിഞ്ഞ വയനാട് ദൂരന്തത്തെക്കുറിച്ച് മുഖ്യമന്ത്രി ശനിയാഴ്ച നടത്തിയ ചില ക്രൂര പരാമര്ശങ്ങള് ഇതിനേക്കാള് ഒക്കെ ഹൃദയ ഭേദകമായിരുന്നതല്ലേ. മുഖ്യമന്ത്രിയുടെ കുടുംബത്തില് നിന്ന് കൊണ്ടുവന്ന പണം കൊണ്ടാണോ വയനാട്ടില് കണ്ണീരൊപ്പിയത്. ആരോപണ പെരുമഴയില് ഏതെങ്കിലും ഗുരുതരമായ ആരോപണത്തെക്കുറിച്ച് എന്തെങ്കിലും അന്വേഷണം നടക്കുന്നുണ്ടോ? അധികാര സ്ഥാനങ്ങളില് കയറിപ്പറ്റിയവര് കുന്നുകൂട്ടുകയാണെന്ന് പരസ്പ്പരം പഴിചാരുന്നതല്ലാതെ സത്യം പുറത്ത് കൊണ്ടുവരാന് എന്തെങ്കിലും അന്വേഷണം നടക്കുന്നുണ്ടോ? ഈ ഒറ്റ സംസ്ഥാന ഭരണം കൊണ്ട് അവസാനിക്കുന്നതാണോ ഭരണചക്രം. ഇവിടെ ഭരണഘടനാ സിദ്ധമായ അധികാരങ്ങള് നിക്ഷിപ്തമായിരിക്കുന്ന എക്സിക്യൂട്ടീവും ന്യായാധിപരും ആവിയായിപ്പോയോ? എന്തിന് ഇങ്ങിനെ ഒരു ഭരണകൂടം?
https://www.facebook.com/Malayalivartha