സംസ്ഥാന സ്‌കൂള്‍ കലോത്സവത്തിന്റെ തീയതിയില്‍ മാറ്റമുണ്ടായേക്കാം.ഡിസംബര്‍ മൂന്നു മുതല്‍ ഏഴുവരെ നടത്താനാണ് നിശ്ചയിച്ചിരുന്നതെങ്കിലും നാഷണല്‍ അച്ചീവ്‌മെന്റ് സര്‍വേ പരീക്ഷ ഈ തീയതികളിലേക്ക് മാറ്റിയേക്കുമെന്ന് വിവരം ലഭിച്ചതോടെയാണ് വിദ്യാഭ്യാസ വകുപ്പ് കലോത്സവ തീയതി മാറ്റാന്‍ തീരുമാനിച്ചത്.

പുതിയ തീയതി തീരുമാനിച്ചിട്ടില്ല. കഴിഞ്ഞ വര്‍ഷം കൊല്ലത്ത് ജനുവരി 3 മുതല്‍ 7 വരെയാണ് കലോത്സവം നടത്തിയിരുന്നത്. ഇത്തവണ തിരുവനന്തപുരമാണ് വേദി.

ഡിസംബര്‍ 13 മുതല്‍ 20 വരെ അന്താരാഷ്ട്ര ചലച്ചിത്രോത്സവമാണ്. പിന്നെ സ്‌കൂളുകളില്‍ ക്രിസ്മസ് പരീക്ഷ ആരംഭിക്കും. സുഗമമായി കലോത്സവം നടത്താന്‍ കഴിയുന്നത് ജനുവരി ആദ്യവാരമാണ്.