വിനോദയാത്ര അന്ത്യയാത്രയായി.... കൈപ്പുഴമുട്ടില്‍ കാര്‍ പുഴയില്‍ വീണ് രണ്ടുപേരുടെ മരണത്തിനിടയാക്കിയത് കനത്ത മഴയും വഴിപരിചയമില്ലാത്തതുമാണെന്ന് സൂചന
വിനോദയാത്ര അന്ത്യയാത്രയായി.... കൈപ്പുഴമുട്ടില്‍ കാര്‍ പുഴയില്‍ വീണ് രണ്ടുപേരുടെ മരണത്തിനിടയാക്കിയത് കനത്ത മഴയും വഴിപരിചയമില്ലാത്തതുമാണെന്ന് സൂചന
കൊല്ലം സ്വദേശിയായ ജെയിംസ് ജോര്‍ജും(48), സുഹൃത്ത് സായ്‌ലി രാജേന്ദ്ര സര്‍ജെ(27)യുമാണ് അപകടത്തില്‍ മരിച്ചത്. വിനോദയാത്രയ്ക്കായി കേരളത്തിലെത്തിയ ഇവര്‍ കൊച്ചിയിലെ സ്ഥാപനത്തില്‍നിന്ന് വാടകയ്‌ക്കെടുത്ത കാറിലാണ് സ്വയം ഓടിച്ച് കുമരകത്തെത്തിയത്. കാറുടമയുടെ വിവരങ്ങളും ശേഖരിച്ചുവരുകയാണെന്ന് പോലീസ് .
ഹൗസ്‌ബോട്ടില്‍ യാത്രചെയ്യുന്നതിനാകാം ഇവര്‍ കുമരകത്തെത്തിയതെന്നാണ് കരുതുന്നതെന്നും പോലീസ് . കുമരകത്ത് മുറി വാടകയ്‌ക്കെടുത്തിരുന്നോ എന്നും അന്വേഷിക്കുന്നു. കാറില്‍നിന്ന് ഇവരുടെ ബാഗുകള്‍ കണ്ടെത്തി.
ഇത് വിശദമായി പരിശോധിക്കുകയാണ്. ഗൂഗിള്‍ മാപ്പ് നോക്കി യാത്രചെയ്തിരിക്കാമെന്നും സംശയിക്കുന്നു. മഴയായിരുന്നതിനാല്‍ റോഡ് വ്യക്തമായി കാണാന്‍ കഴിയില്ലായിരുന്നു. ഈ ഭാഗത്ത് സുരക്ഷാമുന്നറിയിപ്പുകളും ഇല്ലായിരുന്നു. അപകടത്തില്‍പ്പെട്ടവരുടെ നിലവിളി കേട്ടെത്തിയ നാട്ടുകാര്‍, കാര്‍ വെള്ളത്തില്‍ മുങ്ങുന്നതാണ് കണ്ടത്.
ഇരുപതോളം മത്സ്യത്തൊഴിലാളികളും നാട്ടുകാരും കാര്‍ ഉയര്‍ത്താന്‍ നോക്കിയെങ്കിലും മുങ്ങിപ്പോയി. ഒഴുക്കും ആഴവും ചെളിയുമുള്ള ഭാഗമായതിനാല്‍ കാര്‍ കണ്ടെത്താനായില്ല. അഗ്‌നിരക്ഷാസേനയുടെ സ്‌കൂബ ഡൈവിങ് ടീമെത്തിയാണ് കാര്‍ പുറത്തെടുത്തത്.
"
https://www.facebook.com/Malayalivartha
