കോട്ടയം പാലായില്‍ സ്‌കൂട്ടര്‍ യാത്രക്കാരെ ഇടിച്ചശേഷം ഇടിച്ച സ്‌കൂട്ടറുമായി ലോറി പാഞ്ഞത് ആറു കിലോമീറ്ററോളം....
കോട്ടയം പാലായില്‍ സ്‌കൂട്ടര്‍ യാത്രക്കാരെ ഇടിച്ചശേഷം ഇടിച്ച സ്‌കൂട്ടറുമായി ലോറി പാഞ്ഞത് ആറു കിലോമീറ്ററോളം.... ഇന്നലെ അര്‍ധരാത്രിയാണ് ദാരുണമായ സംഭവം നടന്നത്. അപകടത്തില്‍ സ്‌കൂട്ടറിലുണ്ടായിരുന്ന യുവാക്കള്‍ക്ക് പരിക്കേറ്റു.
തലനാരിഴക്കാണ് യുവാക്കള്‍ രക്ഷപ്പെട്ടത്. രാത്രിയില്‍ റോഡരികില്‍ സ്‌കൂട്ടര്‍ നിര്‍ത്തി സംസാരിച്ചുകൊണ്ടിരുന്ന യുവാക്കളുടെ മേലേക്ക് ലോറി ഇടിച്ചു കയറി. അപകടം നടന്നപ്പോള്‍ യുവാക്കള്‍ റോഡിലേക്ക് തെറിച്ചുവീണു. ഗുരുതരമായി പരിക്കേറ്റ ഇവരെ സ്വകാര്യ ആശുപത്രിയില്‍ പ്രവേശിപ്പിച്ചു.
മേവട സ്വദേശികളായ അലന്‍ കുര്യന്‍(26), നോബി (25) എന്നിവര്‍ക്കാണ് പരിക്കറ്റത്. എന്നാല്‍, ഇവരെ ഇടിച്ചശേഷം സ്‌കൂട്ടര്‍ ലോറിയുടെ അടിയില്‍ കുടുങ്ങി. ഈ സ്‌കൂട്ടറുമായി ആറ് കിലോമീറ്റര്‍ അധികം ദൂരം സഞ്ചരിച്ച ലോറി മരങ്ങാട്ടുപള്ളിക്ക് സമീപം ഒരു വൈദ്യുതി പോസ്റ്റില്‍ ഇടിച്ചാണ് നിന്നത്.
ഈ സമയത്ത് ഡ്രൈവര്‍ ഓടി രക്ഷപ്പെടുകയും ചെയ്തു. ലോറി സ്‌കൂട്ടറുമായി സഞ്ചരിച്ച ദൂരം മുഴുവന്‍ പാലാ പൊലീസ് പിന്തുടര്‍ന്നിരുന്നു. ഡ്രൈവര്‍ മദ്യപിച്ചിരുന്നതായും കേസെടുത്തിട്ടുണ്ടെന്നും പൊലീസ് .
https://www.facebook.com/Malayalivartha
