നിലമ്പൂരില് സിപിഐഎം അണികളുടെ പ്രകോപന മുദ്രാവാക്യം... ഗോവിന്ദന് മാഷ് ഒന്നു ഞൊടിച്ചാല് കയ്യും കാലും വെട്ടിയരിഞ്ഞ് പുഴയില് തള്ളും...സ്ത്രീകളും യുവാക്കളും അടക്കം പ്രതിഷേധ പരിപാടിയില് അണിനിരന്നു...
പി വി അന്വര് എംഎല്എക്കെതിരെ നിലമ്പൂരില് സിപിഐഎം അണികളുടെ പ്രകോപന മുദ്രാവാക്യം. നിലമ്പൂര് ഏരിയാ കമ്മിറ്റിയുടെ നേതൃത്വത്തില് നടന്ന പ്രതിഷേധ മാര്ച്ചിലാണ് അന്വറിനെതിരെ അണികള് പ്രകോപന മുദ്രാവാക്യം മുഴക്കിയത്. മര്യാദയ്ക്ക് നടന്നില്ലെങ്കില് കയ്യും കാലും വെട്ടിയരിയുമെന്നാണ് മുദ്രാവാക്യം. ഗോവിന്ദന് മാഷ് ഒന്നു ഞൊടിച്ചാല് കയ്യും കാലും വെട്ടിയരിഞ്ഞ് പുഴയില് തള്ളുമെന്നും മുദ്രാവാക്യം ഉയര്ന്നു. അതേസമയം, ഭീഷണി മുദ്രാവാക്യങ്ങള് വിളിച്ചവര് തിരിച്ച് മുദ്രാവാക്യം വിളിക്കുന്ന സമയം വരുമെന്ന് പി വി അന്വര് പ്രതികരിച്ചു. ആകെ രണ്ട് കയ്യും കാലും മാത്രമേയുള്ളൂ.
എല്ലാവരും കൂടെ അത് വെട്ടിയാല് എന്ത് ചെയ്യുമെന്നും അന്വര് പരിഹസിച്ചു.നിലമ്പൂരില് ഏരിയാ സെക്രട്ടറി പത്മാക്ഷനാണ് പ്രതിഷേധ പരിപാടിക്ക് നേതൃത്വം നല്കിയത്. അന്വറിനെതിരെ 'ചൊങ്കോടി തൊട്ട് കളിക്കണ്ട' എന്ന ഫ്ളക്സ് സിപിഐഎം പ്രവര്ത്തകര് ഉയര്ത്തി. സ്ത്രീകളും യുവാക്കളും അടക്കം പ്രതിഷേധ പരിപാടിയില് അണിനിരന്നു. പ്രതിഷേധ മാര്ച്ചില് നേതാക്കള് ഉയര്ത്തിയ പ്രകോപന മുദ്രാവാക്യം അണികള് ഏറ്റുവിളിച്ചു. നിലമ്പൂരിന് പുറമേ എടക്കരയിലും സിപിഐഎം അണികള് അന്വറിനെതിരെ പ്രതിഷേധിച്ചു. എടക്കര ഏരിയാ കമ്മിറ്റിയുടെ നേതൃത്വത്തിലുള്ള പ്രതിഷേധം സിപിഐഎം സംസ്ഥാന സമിതി അംഗം പി കെ സൈനബയാണ് ഉദ്ഘാടനം ചെയ്തത്.
ഡിവൈഎഫ്ഐ ജില്ലാ പ്രസിഡന്റ്, ഏരിയാ സെക്രട്ടറി ഉള്പ്പെടെ ഇരുന്നൂറിലധികംഅണികള് എടക്കരയില് അന്വറിനെതിരെ പ്രതിഷേധിച്ചു. അന്വറിനെതിരെ കോഴിക്കോട്ടും പ്രതിഷേധം അരങ്ങേറി.
https://www.facebook.com/Malayalivartha