സമ്പൂര്ണ്ണ ശുചിത്വം ലക്ഷ്യമിട്ട് നടപ്പാക്കുന്ന മാലിന്യമുക്തം നവകേരളം പരിപാടി സംസ്ഥാനത്ത് വലിയ വിജയമായി മാറുമെന്ന് ധനകാര്യമന്ത്രി കെ എന് ബാലഗോപാല്
സമ്പൂര്ണ്ണ ശുചിത്വം ലക്ഷ്യമിട്ട് നടപ്പാക്കുന്ന മാലിന്യമുക്തം നവകേരളം പരിപാടി സംസ്ഥാനത്ത് വലിയ വിജയമായി മാറുമെന്ന് ധനകാര്യമന്ത്രി കെ എന് ബാലഗോപാല് പറഞ്ഞു. ഒക്ടോബര് രണ്ടിന് കൊട്ടാരക്കരയില് മുഖ്യമന്ത്രി സംസ്ഥാനതല ഉദ്ഘാടനം നിര്വഹിക്കുന്നതിന് മുന്നോടിയായി നടത്തിയ ശുചീകരണ പരിപാടിയില് സംസാരിക്കുകയായിരുന്നു മന്ത്രി.
തദ്ദേശഭരണ സ്ഥാപനങ്ങളുടെയും സന്നദ്ധസംഘടനകളുടെയും സഹകരണം ഉറപ്പാക്കിക്കൊണ്ട് ബഹുജന പങ്കാളിത്തത്തോടെ ശുചീകരണ പ്രവര്ത്തനങ്ങള് നടത്താനാണ് ഉദ്ദേശിക്കുന്നത്. താഴെതലം മുതല് മാലിന്യനിര്മാര്ജനം നടപ്പാക്കുന്നതിനുള്ള നടപടികള് സ്വീകരിക്കും. ഇതിലൂടെ ശുചിത്വപൂര്ണ്ണമായ ജീവിത സാഹചര്യം ഉറപ്പാക്കുന്നതിനും പരിസ്ഥിതിക്ക് അനുഗുണമായ ജീവിതശൈലി കെട്ടിപ്പടുക്കുന്നതിനും ലക്ഷ്യമിടുന്നുവെന്ന് മന്ത്രി പറഞ്ഞു. കൊട്ടാരക്കര നഗരസഭയുടെ നേതൃത്വത്തില് കുന്നക്കര പാലം മുതല് ഈയം കുന്ന് വരെ നടത്തിയ മെഗാ ക്ലീനിങ് മന്ത്രി ഉദ്ഘാടനം ചെയ്യുകയും ശുചീകരണ പ്രവര്ത്തനത്തില് പങ്കെടുക്കുകയും ചെയ്തു.
https://www.facebook.com/Malayalivartha