ഓട്ടോറിക്ഷ കത്തിച്ചതിനെ തുടര്ന്ന് സിപിഎമ്മുമായി പോരാടിയ കണ്ണൂരിലെ ചിത്രലേഖ അന്തരിച്ചു...
ഓട്ടോറിക്ഷ കത്തിച്ചതിനെ തുടര്ന്ന് സിപിഎമ്മുമായി പോരാടിയ കണ്ണൂരിലെ ചിത്രലേഖ (48) അന്തരിച്ചു. അര്ബുദബാധയെ തുടര്ന്ന് നാളുകളായി ചികിത്സയിലായിരുന്നു.
2004ല് ഓട്ടോ ഓടിക്കുന്നതുമായി ബന്ധപ്പെട്ട് സിഐടിയുമായി തര്ക്കങ്ങള് ഉണ്ടായിരുന്നു. 2005ലും 2023ലും ചിത്രലേഖയുടെ ഓട്ടോറിക്ഷയ്ക്ക് തീയിട്ടിരുന്നു.
ചിത്രലേഖയുടെ ഭൗതികശരീരം നാളെ (ഞായര്) രാവിലെ 9.00 മണിക്ക് ആശുപത്രിയില് നിന്ന് വീട്ടിലെത്തിക്കും. രാവിലെ 10 മണിക്ക് വീട്ടില് നിന്ന് ഭൗതികശരീരം 10.30ഓടെ പയ്യാമ്പലം കടപ്പുറത്തെത്തിക്കും. പയ്യാമ്പലം കടപ്പുറത്താണ് സംസ്കാര ചടങ്ങുകള് നടക്കുക. മക്കള്: മനു, ലേഖ.
ഏക വരുമാനമാര്ഗമായ ഓട്ടോറിക്ഷ കത്തിച്ചതിനെ തുടര്ന്ന് സി.പി.എമ്മുമായി വര്ഷങ്ങളായി പോരാട്ടം തുടര്ന്ന ചിത്രലേഖ രോഗശയ്യയിലായിരുന്നു.
വീട്ടുമുറ്റത്ത് നിര്ത്തിയിട്ട രണ്ടാമത്തെ ഓട്ടോറിക്ഷയും കത്തിച്ചതിനെ തുടര്ന്ന് ഉപജീവനമാര്ഗം നിലച്ചതിനിടെ സന്നദ്ധ സംഘടനകള് വഴി ലഭിച്ച പുതിയ ഓട്ടോറിക്ഷയുമായി നിരത്തിലിറങ്ങാനിരിക്കെയാണ് രോഗം അലട്ടിയത്.
വയറുവേദനയില് തുടങ്ങിയ അസ്വാസ്ഥ്യം അര്ബുദമാണെന്ന് തിരുവനന്തപുരം ആര്.സി.സിയിലേത് ഉള്പ്പടെയുള്ള ഡോക്ടര്മാരാണ് സ്ഥിരീകരിച്ചത്. പാന്ക്രിയാസ് കാന്സറിന് കീമോതെറപി ചെയ്യാന് തലശ്ശേരിയിലെ മലബാര് കാന്സര് സെന്ററില് അഡ്മിറ്റ് ചെയ്യാനിരിക്കെ മഞ്ഞപ്പിത്തം ബാധിച്ച് കണ്ണൂരിലെ സ്വകാര്യ ആശുപത്രിയില് ചികിത്സയില് കഴിയുകയായിരുന്നു.
"
https://www.facebook.com/Malayalivartha