കുവൈത്ത് തുറമുഖത്തിനു സമീപം കപ്പലപകടത്തില് മരിച്ച മണലൂര് സ്വദേശിയുടെ മൃതദേഹം ഇന്ന് നാട്ടിലെത്തിക്കും
കുവൈത്ത് തുറമുഖത്തിനു സമീപം കപ്പലപകടത്തില് മരിച്ച മണലൂര് സ്വദേശിയുടെ മൃതദേഹം കുവൈത്ത് വിമാനത്താവളത്തിലെത്തിച്ചു. അറബക്തര്-ഒന്ന് എന്ന ഇറാനിയന് വാണിജ്യ കപ്പലിനുണ്ടായ അപകടത്തിലാണ് ഡക്ക് ഓപറേറ്റര് വിളക്കേത്ത് ഹരിദാസന്റെ മകന് ഹനീഷ് (26) മരിച്ചത്. മൃതദേഹം ഇന്ന് നാട്ടിലെത്തിക്കും.
നടപടിക്രമങ്ങള് പൂര്ത്തിയാക്കാന് ഉന്നതതല ഉദ്യോഗസ്ഥരുമായി ചര്ച്ച നടത്തിവരുകയാണെന്ന് നോര്ക്കയില്നിന്ന് അറിയിപ്പ് ലഭിച്ചതായി ഹനീഷിന്റെ പിതാവ് ഹരിദാസന്. വിദേശകാര്യ മന്ത്രാലയം മുഖേന സമ്മര്ദം ചെലുത്തണമെന്ന് കേന്ദ്ര സഹമന്ത്രിമാരായ സുരേഷ് ഗോപി, ജോര്ജ് കുര്യന് എന്നിവരോട് ആവശ്യപ്പെട്ടിട്ടുണ്ട്.
അതേസമയം ആഗസ്റ്റ് 27ന് ഇറാനില്നിന്ന് ഗ്ലാസ് കയറ്റി കുവൈത്ത് തീരത്തേക്ക് പുറപ്പെട്ട കപ്പല് കുവൈത്ത് കടലതിര്ത്തിയിലേക്ക് കടന്നപ്പോഴാണ് അപകടമുണ്ടായത്. സെപ്റ്റംബര് ഒന്നിന് അപകടമുണ്ടായെന്നാണ് വിവരം.
"
https://www.facebook.com/Malayalivartha