വീണ്ടും കൂട്ടയടി... എഡിഎമ്മിന്റെ മരണവുമായി ബന്ധപ്പെട്ട് പിപി ദിവ്യക്കെതിരെ കണ്ണൂര് ജില്ലാ കളക്ട്രേറ്റ് റവന്യൂ വിഭാഗം ജീവനക്കാര് പൊലീസിന് മൊഴി നല്കി; എല്ലാം ദിവ്യയ്ക്ക് എതിര്
എഡിഎമ്മിന്റെ മരണവുമായി ബന്ധപ്പെട്ട് വിവാദം അവസാനിക്കുന്നില്ല. മരണവുമായി ബന്ധപ്പെട്ട് കണ്ണൂര് ജില്ലാ പഞ്ചായത്ത് മുന് അധ്യക്ഷ പിപി ദിവ്യക്കെതിരെ കണ്ണൂര് ജില്ലാ കളക്ട്രേറ്റ് റവന്യൂ വിഭാഗം ജീവനക്കാര് പൊലീസിന് മൊഴി നല്കി. എഡിഎമ്മിന്റെ യാത്രയയപ്പിലേക്ക് ദിവ്യയെ വാക്കാല് പോലും ക്ഷണിച്ചിരുന്നില്ലെന്ന് സ്റ്റാഫ് കൗണ്സില് അംഗങ്ങള് മൊഴി നല്കി.
ദിവ്യ കയറി വന്നത് അപ്രതീക്ഷിതമായാണെന്നും പ്രസംഗത്തിന് ശേഷം എല്ലാവരും ഞെട്ടിത്തരിച്ചുപോയെന്നും മൊഴികളില് വ്യക്തമാക്കുന്നു. എഡിഎം മൂന്നുവരിയില് മറുപടി പ്രസംഗം അവസാനിപ്പിച്ചുവെന്നും യാത്രയയപ്പ് യോഗത്തില് പങ്കെടുത്തവര് പൊലീസിനോട് പറഞ്ഞു.
എഡിഎം നവീന് ബാബു മരിച്ചതിന് ശേഷവും ആരോപണ ശരം കൊണ്ട് വീണ്ടും പ്രതിരോധം തീര്ക്കാനുള്ള ശ്രമമാണ് പി.പി.ദിവ്യ നടത്തുന്നത്. എഡിഎമ്മിനെതിരെ പ്രശാന്തന് മാത്രമല്ല ഗംഗാധരന് എന്ന മറ്റൊരു സംരംഭകന് കൂടി പരാതി പറഞ്ഞിട്ടുണ്ട് എന്നാണ് അവര് മുന്കൂര് ജാമ്യഹര്ജിയില് പറയുന്നത്. പരിപാടിയില് വെറുതെ കയറി വന്നതല്ലെന്നും ജില്ലാ കളക്ടര് ക്ഷണിച്ചിട്ടാണ് ആ യാത്രയയപ്പ് ചടങ്ങിലേക്ക് വന്നതെന്നുമാണ് മറ്റൊരു വാദം. ആരോപണ നിഴലില് നില്ക്കുന്ന കണ്ണൂര് കളക്ടര് അരുണ് കെ.വിജയനെ പ്രതിരോധത്തിലാക്കുന്നതാണ് ദിവ്യയുടെ ഈ വാദം.
ദിവ്യക്കെതിരെ ആത്മഹത്യ പ്രേരണയ്ക്ക് കേസെടുത്തതിന് പിന്നാലെയാണ് വിവാദ ചടങ്ങില് പങ്കെടുത്ത ജീവനക്കാരുടെ മൊഴിയെടുത്തത്. നവീന് ബാബുവിന്റെ കുടുംബത്തിന്റെയും മൊഴി രേഖപ്പെടുത്തി. പക്ഷെ ഇതുവരെ ആരോപണവിധേയയായ പി.പി.ദിവ്യയെ പൊലീസ് വിളിപ്പിച്ചിട്ടില്ല. കേസില് പ്രതി ചേര്ത്തിട്ടുപോലും അവര്ക്ക് സാവകാശം ലഭിച്ചു. മുന്കൂര് ജാമ്യം കോടതിയില് നല്കുകയും ചെയ്തു. തലശേരി പ്രിന്സിപ്പല് സെഷന്സ് കോടതിയെയാണ് ദിവ്യ സമീപിച്ചത്.
എഡിഎമ്മിനെതിരെ പ്രശാന്തന് മാത്രമല്ല ഗംഗാധരന് എന്ന മറ്റൊരു സംരംഭകന് കൂടി പരാതി പറഞ്ഞിട്ടുണ്ട് എന്നാണ് അവര് മുന്കൂര് ജാമ്യഹര്ജിയില് പറയുന്നത്. പരിപാടിയില് വെറുതെ കയറി വന്നതല്ലെന്നും ജില്ലാ കളക്ടര് ക്ഷണിച്ചിട്ടാണ് ആ യാത്രയയപ്പ് ചടങ്ങിലേക്ക് വന്നതെന്നുമാണ് മറ്റൊരു വാദം. ആരോപണ നിഴലില് നില്ക്കുന്ന കണ്ണൂര് കളക്ടര് അരുണ് കെ.വിജയനെ പ്രതിരോധത്തിലാക്കുന്നതാണ് ദിവ്യയുടെ ഈ വാദം. എന്നാല് ഈ ഹര്ജിയില് നവീന് ബാബുവിന്റെ കുടുംബവും കക്ഷി ചേര്ന്നിട്ടുണ്ട്.
അതേസമയം കണ്ണൂര് എഡിഎമ്മായിരുന്ന നവീന് ബാബുവിന്റെ ആത്മഹത്യയില് പ്രേരണ കുറ്റം ചുമതപ്പെട്ട പി പി ദിവ്യയെ ഇനിയും ചോദ്യം ചെയ്യാത്തതില് പ്രതിഷേധം ഉയരുന്നു. യാത്രയയപ്പ് യോഗത്തില് പങ്കെടുത്ത ജീവനക്കാരുടെയും പമ്പിന് അപേക്ഷ നല്കിയ പ്രശാന്തന്റെയും മൊഴി എടുത്തെങ്കിലും ദിവ്യയുടെയോ ജില്ലാ കളക്ടരുടെയോ മൊഴി രേഖപ്പെടുത്തിയിട്ടില്ല. ദിവ്യ വരുന്നതും എഡിഎമ്മിനെതിരെ സംസാരിക്കുന്നതും കളക്ടര് അറിഞ്ഞിരുന്നു എന്ന ആരോപണവും ശക്തമാവുകയാണ്. കലക്ടറുടെ ഫോണ് വിളി രേഖകള് ഉള്പ്പെടെ അന്വേഷണ സംഘം പരിശോധിച്ചേക്കും. കണ്ണൂരില് ഉണ്ടെങ്കിലും കളക്ടര് ഇന്നും ഓഫീസില് എത്താന് ഇടയില്ല. ഓഫീസില് വന്നാല് ശക്തമായി പ്രതിഷേധിക്കാനാണ് സര്വീസ് സംഘടനകളുടെ തീരുമാനം. ദിവ്യയുടെ മുന്കൂര്ജാമ്യപേക്ഷ തലശ്ശേരി പ്രിന്സിപ്പല് സെഷന്സ് കോടതി തിങ്കളാഴ്ചയാവും പരിഗണിക്കുക.
പിപി ദിവ്യക്കെതിരെ കണ്ണൂര് ജില്ലാ കളക്ട്രേറ്റ് റവന്യൂ വിഭാഗം ജീവനക്കാര് പൊലീസിന് മൊഴി നല്കി. എഡിഎമ്മിന്റെ യാത്രയയപ്പിലേക്ക് ദിവ്യയെ വാക്കാല് പോലും ക്ഷണിച്ചിരുന്നില്ലെന്ന് സ്റ്റാഫ് കൗണ്സില് അംഗങ്ങള് മൊഴി നല്കി. ദിവ്യ കയറി വന്നത് അപ്രതീക്ഷിതമായാണെന്നും പ്രസംഗത്തിന് ശേഷം എല്ലാവരും ഞെട്ടിത്തരിച്ചുപോയെന്നും മൊഴികളില് വ്യക്തമാക്കുന്നു. എഡിഎം മൂന്നുവരിയില് മറുപടി പ്രസംഗം അവസാനിപ്പിച്ചുവെന്നും യാത്രയയപ്പ് യോഗത്തില് പങ്കെടുത്തവര് പൊലീസിനോട് പറഞ്ഞു.
https://www.facebook.com/Malayalivartha