കൊല്ലം മൈനാഗപ്പള്ളിയില് സ്കൂട്ടര് യാത്രക്കാരിയെ കാര് കയറ്റി കൊന്ന കേസിലെ പ്രതി അജ്മല് ഹൈകോടതിയില് ജാമ്യ ഹര്ജി നല്കി
കൊല്ലം മൈനാഗപ്പള്ളിയില് സ്കൂട്ടര് യാത്രക്കാരിയെ കാര് കയറ്റി കൊന്ന കേസിലെ പ്രതി അജ്മല് ഹൈകോടതിയില് ജാമ്യ ഹര്ജി നല്കി. സ്കൂട്ടര് യാത്രക്കാരിയെ ഇടിച്ച ശേഷം ആള്ക്കൂട്ടം ആക്രമണ സ്വഭാവത്തോടെ എത്തിയത് കണ്ടാണ് കാര് മുന്നോട്ടെടുത്തതെന്നാണ് ഹര്ജിയിലെ വാദം. ഹര്ജിയില് ജസ്റ്റിസ് സി.എസ്. ഡയസ് വിശദീകരണം തേടുകയും ചെയ്തു.
ആനൂര്ക്കാവില് വെച്ച് സ്കൂട്ടര് യാത്രക്കാരിയെ ഇടിച്ചിട്ട് കാര് കയറ്റിയിറക്കി കൊലപ്പെടുത്തിയെന്നാണ് കേസ്. മജിസ്ട്രേറ്റ് കോടതിയും കൊല്ലം സെഷന്സ് കോടതിയും ജാമ്യ ഹര്ജി തള്ളിയതിനെ തുടര്ന്നാണ് ഹൈക്കോടതിയെ സമീപിച്ചത്. സെപ്റ്റംബര് 16 മുതല് അജ്മല് ജയിലിലാണ്.
സ്കൂട്ടര് യാത്രിക പഞ്ഞിപുല്ലുംവിളയില് കുഞ്ഞുമോള് (47) ആണ് മരിച്ചത്. കേസിലെ രണ്ടാംപ്രതി നെയ്യാറ്റിന്കര സ്വദേശിനി ഡോ. ശ്രീക്കുട്ടിക്ക് നേരത്തെ ജാമ്യം ലഭിച്ചിട്ടുണ്ടായിരുന്നു. ഒന്നാംപ്രതി അജ്മല് കാര് സ്വയം മുന്നോട്ടെടുത്തതാണെന്നും പിന്സീറ്റിലായിരുന്ന താന് ഒരു തരത്തിലുമുള്ള പ്രേരണയും നല്കിയിട്ടില്ലെന്നുമാണ് ശ്രീക്കുട്ടി ജാമ്യം ലഭിക്കാനായി വാദിച്ചിരുന്നത്.
https://www.facebook.com/Malayalivartha