പാലക്കാട് നിന്നുള്ള യൂത്ത് കോണ്ഗ്രസ് മുന് സംസ്ഥാന സെക്രട്ടറി എ.കെ.ഷാനിബ് പാര്ട്ടി വിട്ടു..
പാലക്കാട് നിന്നുള്ള യൂത്ത് കോണ്ഗ്രസ് മുന് സംസ്ഥാന സെക്രട്ടറി എ.കെ.ഷാനിബ് പാര്ട്ടി വിട്ടു. തുടര് ഭരണം സി.പി.എം നേടിയിട്ടും കോണ്ഗ്രസ് തിരുത്താനായി തയ്യാറാവുന്നില്ലെന്നും പാലക്കാട് - വടകര- ആറന്മുള കരാര് കോണ്ഗ്രസും ആര്എസ്എസും തമ്മിലുണ്ടെന്നും അദ്ദേഹം ആരോപിച്ചു.
ആറന്മുളയില് അടുത്ത തെരെഞ്ഞെടുപ്പില് യു.ഡി.എഫ് വിജയിക്കും. അതിന് വലിയ വില കൊടുക്കേണ്ടി വരുന്നു. താന് സിപിഎമ്മിനൊപ്പം
ചേര്ന്ന് പ്രവര്ത്തിക്കുമെന്നും അദ്ദേഹം വ്യക്തമാക്കി. പി.സരിന്റെ വിജയത്തിനായി ഇനി പ്രവര്ത്തിക്കുമെന്നും അദ്ദേഹം പറഞ്ഞു.
വ്യക്തിപരമായ നേട്ടത്തിനല്ല പാര്ട്ടി വിടുന്നത്. ഉമ്മന്ചാണ്ടി സാറ് പോയ ശേഷം പാര്ട്ടിയില് പരാതി പറയാന് ആളില്ലാത്ത സ്ഥിതിയാണ്. പരാതി പറയുമ്പോള് അത് കേള്ക്കാനാളില്ല. നിവൃത്തിക്കേട് കൊണ്ടാണ് പലരും പാര്ട്ടിയില് മിണ്ടാതെ നില്ക്കുന്നത്. രാഷ്ട്രീയ വഞ്ചനയുടെ കഥയാണ് ഈ പാര്ട്ടിയില് നടക്കുന്നതെന്നും അദ്ദേഹം പറഞ്ഞു.
രാഹുല് മാങ്കൂട്ടത്തിലിന്റെ സ്ഥാനാര്ത്ഥിത്വത്തില് പാലക്കാട്ടെ പല കോണ്ഗ്രസ് നേതാക്കള്ക്കും എതിര്പ്പുണ്ട്. ഉപതെരെഞ്ഞെടുപ്പില് രാഹുല് മാങ്കൂട്ടത്തില് തോല്ക്കും. കോണ്ഗ്രസ് വിജയിക്കണമെന്ന് ആഗ്രഹിക്കുന്നില്ല. ഡോ.പി.സരിനെ പിന്തുണക്കുകയും ചെയ്യും.
https://www.facebook.com/Malayalivartha