ഡൽഹിയിൽ ഉഗ്രസ്ഫോടനം; ക്രൂഡ് ബോംബാകാം സ്ഫോടനത്തിനു പിന്നിലെന്നാണ് പോലീസ്
ഡൽഹിയിൽ ഉഗ്രസ്ഫോടനം. ഡൽഹിയിലെ പ്രശാന്ത് വിഹാറിൽ സിആർപിഎഫ് സ്കൂളിനു സമീപമായിരുന്നു സ്ഫോടനമുണ്ടായത്. ഒരു പ്രദേശവാസി സ്ഫോടനത്തിന്റെ വീഡിയോ റെക്കോർഡ് ചെയ്തു. സ്ഫോടനമുണ്ടായിടത്ത് നിന്നും പുക ഉയരുന്നത് വീഡിയോയിൽ കാണുന്നുണ്ട്. ഇന്ന് രാവിലെയോടായിരുന്നു സംഭവം. ക്രൂഡ് ബോംബാകാം സ്ഫോടനത്തിനു പിന്നിലെന്നാണ് പൊലീസിന്റെ സംശയം.
സ്ഫോടനത്തിൽ സ്കൂളിന്റെ മതിലിനു കേടുപാടുകൾ ഉണ്ടായി. ആളപായമൊന്നും റിപ്പോർട്ട് ചെയ്തിട്ടില്ല. ഫൊറൻസിക് സംഘവും ഡൽഹി പൊലീസ് സ്പെഷൽ സെല്ലിലെ ഉദ്യോഗസ്ഥരും സ്ഥലത്തെത്തി സ്ഫോടനത്തിന്റെ കാരണം കണ്ടെത്താനുള്ള പരിശോധനകൾ നടത്തി. സ്ഫോടനം നടന്ന് മണിക്കൂറുകൾ പിന്നിട്ടു . എന്താണ് സ്ഫോടനത്തിന്റെ കാരണമെന്ന് വ്യക്തമായിട്ടില്ല . ‘‘ഞാൻ വീട്ടിലുണ്ടായിരുന്നു.
വലിയ ശബ്ദം കേട്ടതിനു പിന്നാലെ പുകയും കണ്ടു, വിഡിയോ റെക്കോർഡു ചെയ്തു. കൂടുതലൊന്നും എനിക്കറിയില്ല. ഇതിനു പിന്നാലെ പൊലീസ് സംഘവും ആംബുലൻസും സംഭവസ്ഥലത്തെത്തി എന്നാണ് പ്രദേശവാസി വെളിപ്പെടുത്തിയത്.സംശയാസ്പദമായ ഒന്നും കണ്ടെത്തിയിട്ടില്ല. അന്വേഷണത്തിനോടനുബന്ധിച്ച് പോലീസ് ഓടകൾ പരിശോധിക്കുന്നുണ്ട്.
https://www.facebook.com/Malayalivartha