കണ്ണൂര് എ.ഡി.എം. നവീന് ബാബു ആത്മഹത്യ ചെയ്ത സംഭവം... പാര്ട്ടി നിലപാട് ഉറപ്പിച്ച് സി.പി.എം. സംസ്ഥാന സെക്രട്ടറി എം.വി. ഗോവിന്ദന്... പാര്ട്ടി അന്നും ഇന്നും നവീന് ബാബുവിന്റെ കുടുംബത്തിനൊപ്പമാണെന്ന് ഗോവിന്ദന്...
കണ്ണൂര് എ.ഡി.എം. നവീന് ബാബു ആത്മഹത്യ ചെയ്ത സംഭവത്തില് പാര്ട്ടി നിലപാട് ഉറപ്പിച്ച് സി.പി.എം. സംസ്ഥാന സെക്രട്ടറി എം.വി. ഗോവിന്ദന്. ആര് എന്തുപറഞ്ഞാലും പാര്ട്ടി അന്നും ഇന്നും നവീന് ബാബുവിന്റെ കുടുംബത്തിനൊപ്പമാണെന്ന് അദ്ദേഹം പറഞ്ഞു. മരിച്ച നവീന് ബാബുവിന്റെ പത്തനംതിട്ട മലയാലപ്പുഴയിലെ വീട്ടിലെത്തി കുടുംബത്തോട് സംസാരിച്ച ശേഷമാണ് അദ്ദേഹം ഇക്കാര്യം വ്യക്തമാക്കിയത്.
നവീൻ ബാബുവിൻ്റെ കുടുംബത്തോടൊപ്പം എംവി ഗോവിന്ദൻ ഇരിക്കുന്ന ദൃശ്യങ്ങൾ പകർത്താൻ മാധ്യമങ്ങളെ അനുവദിച്ച ശേഷം എല്ലാവരെയും പുറത്തിറക്കി സിപിഎം നേതാക്കൾക്കൊപ്പം കുടുംബാംഗങ്ങളോട് അദ്ദേഹം സംസാരിച്ചു.അട്ടച്ചിട്ട മുറിയിൽ ആയിരുന്നു കൂടിക്കാഴ്ച നടന്നത് .
അതിന് ശേഷമാണ് അദ്ദേഹം പ്രതികരിച്ചത് .
നവീന് ബാബുവിന്റെ അപ്രതീക്ഷിതമായ മരണം കുടുംബത്തെ മാത്രമല്ല, അദ്ദേഹവുമായി ബന്ധപ്പെട്ട മുഴുവന് ആളുകളെയും ദുഃഖത്തിലാഴ്ത്തിയ സംഭവമാണ്. ഇത് നടക്കുമ്പോള് ഞങ്ങള് പി.ബിയുമായി ബന്ധപ്പെട്ട് ഡല്ഹിയിലായിരുന്നു. അവിടെ നിന്നാണ് സംഭവങ്ങള് അറിയുന്നത്. ആ കുടുംബം വളരെ അധികം പ്രയാസം അനുഭവിക്കുന്ന സമയമാണിതെന്നും അതാണ് തിരിച്ചെത്തിയ ഉടന് കുടുംബത്തെ സന്ദര്ശിക്കാന് തീരുമാനിച്ചതെന്നുമാണ് അദ്ദേഹം പറഞ്ഞത്.
നവീന് ബാബുവിന്റെ ഭാര്യയോടും മക്കളോടും കുടുംബാംഗങ്ങളോടുമെല്ലാം കാര്യങ്ങള് ചോദിച്ചറിഞ്ഞുവെന്നും എം.വി. ഗോവിന്ദൻ പറഞ്ഞു.സര്വവും നഷ്ടപ്പെട്ട തങ്ങള്ക്ക് നിയമപരമായ പരിരക്ഷ വേണമെന്നും അദ്ദേഹത്തിന്റെ മരണത്തിന് ഉത്തരവാദികളായവരെ ശിക്ഷിക്കണമെന്നുമാണ് കുടുംബം ആവശ്യപ്പെട്ടത്.
https://www.facebook.com/Malayalivartha