സര്ക്കാരും ഗവര്ണറും വീണ്ടും നേര്ക്കുനേര്......നാല് സര്വ്വകലാശാലയില് വിസി നിയമനം
സര്ക്കാരും ഗവര്ണറും വീണ്ടും നേര്ക്കുനേര്......വൈസ് ചാന്സലര് നിയമനത്തില് ഗവര്ണറുമായുള്ള ശീതസമരം തുടരവേ നാല് പുതിയ വി.സി.മാരെ ഈയാഴ്ച കണ്ടെത്തേണ്ട സമ്മര്ദത്തിലാണ് സര്ക്കാര്.
കേരള സര്വകലാശാല, കേരള ഡിജിറ്റല് സര്വകലാശാല, എ.പി.ജെ. അബ്ദുല് കലാം സാങ്കേതിക സര്വകലാശാല, ആരോഗ്യ സര്വകലാശാല എന്നിവിടങ്ങളിലാണ് ഒഴിവ് ഉള്ളത്.
സ്ഥിരം വി.സി. നിയമനത്തിനുള്ള സേര്ച്ച് കമ്മിറ്റിയെച്ചൊല്ലി സര്ക്കാരും ഗവര്ണറും എതിര്ധ്രുവങ്ങളില് നില്ക്കുന്ന സാഹചര്യത്തിലാണ് നാലുപേരെ താത്കാലികമായി കണ്ടത്തേണ്ടത്
.നേരത്തേ കുസാറ്റിലും കാലിക്കറ്റ് സര്വകലാശാലയിലും സര്ക്കാര് നല്കിയ പേരുകള് തള്ളി ഗവര്ണര് മുതിര്ന്ന പ്രൊഫസര്മാരെ താത്കാലിക വി.സി.യായി നിയമിക്കുകയായിരുന്നു.
ഡിജിറ്റല് സര്വകലാശാലയുടെയും സാങ്കേതിക സര്വകലാശാലയുടെയും വി.സി.യായ ഡോ. സജി ഗോപിനാഥ് 24-നും കേരള-ആരോഗ്യ സര്വകലാശാലകളുടെ വി.സി.പദവി വഹിക്കുന്ന ഡോ. മോഹന് കുന്നുമ്മല് 26-നും സ്ഥാനമൊഴിയുകയും ചെയ്യും.
"
https://www.facebook.com/Malayalivartha