ന്യൂനമര്ദ്ദം തീവ്ര ന്യൂനമര്ദ്ദമായി ശക്തി പ്രാപിച്ചു... ഇന്ന് ചുഴലിക്കാറ്റായും നാളെ രാവിലെയോടെ തീവ്ര ചുഴലിക്കാറ്റായും ശക്തി പ്രാപിക്കും, ഇന്ന് ഏഴു ജില്ലകളില് യെല്ലോ അലര്ട്ട്
ന്യൂനമര്ദ്ദം തീവ്ര ന്യൂനമര്ദ്ദമായി ശക്തി പ്രാപിച്ചു. ഇന്ന് ചുഴലിക്കാറ്റായും നാളെ രാവിലെയോടെ തീവ്ര ചുഴലിക്കാറ്റായും ശക്തി പ്രാപിക്കും. നാളെ രാത്രിയോ മറ്റന്നാള് അതിരാവിലെയോ ഒഡിഷ - പശ്ചിമ ബംഗാള് തീരത്ത് പുരിക്കും സാഗര് ദ്വീപിനും ഇടയില് കരയില് പ്രവേശിക്കുമെന്നാണ് കേന്ദ്ര കാലാവസ്ഥ വകുപ്പ് വിലയിരുത്തുന്നത്.
മണിക്കൂറില് പരമാവധി 120 കിലോമീറ്റര് വരെ വേഗതയില് കരയില് പ്രവേശിച്ചേക്കുമെന്നാണ് മുന്നറിയിപ്പുള്ളത്. മധ്യ പടിഞ്ഞാറന് അറബിക്കടലിനു മുകളില് ന്യൂനമര്ദ്ദം സ്ഥിതിചെയ്യുകയാണ്. മധ്യ കിഴക്കന് അറബിക്കടലില് കര്ണാടക തീരത്തിന് മുകളിലായി ചക്രവാതച്ചുഴിയും സ്ഥിതി ചെയ്യുന്നു്. തമിഴ്നാടിനു മുകളില് മറ്റൊരു ചക്രവാത ചുഴി സ്ഥിതിചെയ്യുന്നു.
ഈ പശ്ചാത്തലത്തില് സംസ്ഥാനത്ത് അടുത്ത ഒരാഴ്ച ഇടിമിന്നലോടു കൂടിയ മഴയ്ക്കു സാധ്യതയെന്ന് കാലാവസ്ഥ വകുപ്പ് അറിയിച്ചു. ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ട്. ഇന്ന് ഏഴു ജില്ലകളില് അതിശക്ത മഴ മുന്നറിയിപ്പുണ്ട്. തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂര് ജില്ലകളിലാണ് യെല്ലോ അലര്ട്ട് പുറപ്പെടുവിച്ചിട്ടുള്ളത്.
അതേസമയം കേരള - കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്ന് കേന്ദ്ര കാലാവസ്ഥവകുപ്പ് .മധ്യ കിഴക്കന് ബംഗാള് ഉള്ക്കടലില് ഇന്ന് വൈകുന്നേരം മുതല് നാളെ വരെ കാറ്റിന്റെ വേഗത മണിക്കൂറില് 70 മുതല് 90 കിലോമീറ്റര് വരെയും ചില അവസരങ്ങളില് മണിക്കൂറില് 100 കിലോമീറ്റര് വരെയും ശക്തിപ്രാപിക്കാനും സാധ്യത.
"
https://www.facebook.com/Malayalivartha