ഡി.ജി.പി നിതിന് അഗര്വാളിന് റോഡ് സുരക്ഷാ കമ്മിഷണറായി നിയമനം നല്കി
ഡി.ജി.പി നിതിന് അഗര്വാളിന് റോഡ് സുരക്ഷാ കമ്മിഷണറായി നിയമനം നല്കി. 205400- 224400 ശമ്പള സ്കെയിലില് ഡി.ജി.പി ഗ്രേഡോടെ എക്സ് കേഡര് തസ്തിക ഡിസംബര് 31വരെ സൃഷ്ടിച്ചാണ് നിയമനമുള്ളത്. 1989 ബാച്ച് ഐ.പി.എസ് ഉദ്യോഗസ്ഥനായിരുന്നു.
വിജിലന്സ് ഡയറക്ടറുടെ കേഡര് പോസ്റ്റിന് തുല്യമാക്കിയിട്ടുമുണ്ട്. നിലവില് കേരളാ പൊലീസിലെ ഏറ്റവും സീനിയറായ ഡി.ജിപിയാണ് നിതിന്. പാകിസ്ഥാന് അതിര്ത്തിയില് ഭീകരരുടെയും പാക് സൈനിക കമാന്ഡോകളുടെയും നുഴഞ്ഞുകയറ്റം തടയുന്നതില് വീഴ്ചവരുത്തിയതിനെത്തുടര്ന്നാണ് അദ്ദേഹത്തെ കേന്ദ്രം മാതൃകേഡറിലേക്ക് മടക്കിയത്. ഡല്ഹി ഐ.ഐ.ടിയില് നിന്ന് ബി.ടെക്കും എം.ടെക്കും നേടിയ നിതിന് റെയില്വേ സിഗ്നല് എന്ജിനിയറായിരുന്നു.
നേരത്തേ 2 തവണ സംസ്ഥാന പൊലീസ് മേധാവിയാവാനുള്ള പട്ടികയില് ഉള്പ്പെട്ടിരുന്ന അഗര്വാള് തന്നെ പരിഗണിക്കേണ്ടെന്ന് അറിയിച്ച് കേന്ദ്ര ഡെപ്യൂട്ടേഷനില് തുടരുകയായിരുന്നു. നിതിനെതിരെ കേന്ദ്രസര്ക്കാരിന്റെ അച്ചടക്ക നടപടിയുടെ ഭാഗമായുള്ള വകുപ്പുതല അന്വേഷണവും നടക്കുന്നു.
"
https://www.facebook.com/Malayalivartha