കേരളത്തില് ഇന്നും വ്യാപക മഴയ്ക്ക് സാധ്യത....അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു, ദാന ചുഴലിക്കാറ്റ് ഇന്ന് രാത്രി കര തൊടുമെന്ന മുന്നറിയിപ്പിന്റെ പശ്ചാത്തലത്തില് ഒഡീഷയിലും പശ്ചിമ ബംഗാളിലും ജാഗ്രത കര്ശനമാക്കി
കേരളത്തില് ഇന്നും വ്യാപക മഴയ്ക്ക് സാധ്യത. അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഇടിമിന്നലോട് കൂടിയ മഴയ്ക്കാണ് സാധ്യത. അതേസമയം, കേരള - കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്ന് കേന്ദ്ര കാലാവസ്ഥവകുപ്പ്
തലസ്ഥാനത്ത് ഇന്നലെ കനത്ത മഴയാണ് പെയ്തത്. വിതുര ബോണക്കാട് റോഡില് മണ്ണിടിച്ചിലിനെ തുടര്ന്ന് റോഡ് അടച്ചു. വിതുരയില് നിന്നും ബോണക്കാട് പോകുന്ന വഴി ഗണപതിപാറയിലാണ് മണ്ണിടിച്ചില് ഉണ്ടായത്.
അഗ്നിരക്ഷാ സേന സ്ഥലത്തെത്തി. രാവിലെ മണ്ണ് മാറ്റി ഗതാഗതം പുനഃസ്ഥാപിക്കുന്നതാണ്. വാമനപുരം നദിയില് ജലനിരപ്പ് ഉയര്ന്നതിനെതുടര്ന്ന് വിതുര-പൊന്നാംചുണ്ട് പാലത്തില് വെള്ളം കയറി. കാട്ടാക്കടയില് കനത്ത മഴയില് വീടിനുള്ളിലേക്ക് വെള്ളമിരച്ചു കയറി. ഇതിനിടെ വിഴിഞ്ഞം തീരത്ത് കൗതുകമായി വാട്ടര് സ്പോട്ട് എന്ന കടല് ചുഴലിക്കാറ്റ് പ്രതിഭാസം ഉണ്ടായി. സാധാരണയായി കൊടുംകാറ്റും മഴയുമുള്ള ഘട്ടത്തില് ഉള്ക്കടലില് മാത്രമുണ്ടാകുന്ന പ്രതിഭാസമാണ് വിഴിഞ്ഞത്ത് ദൃശ്യമായത്.
അതേസമയം, ദാന ചുഴലിക്കാറ്റ് ഇന്ന് രാത്രി കര തൊടുമെന്ന മുന്നറിയിപ്പിന്റെ പശ്ചാത്തലത്തില് ഒഡീഷയിലും പശ്ചിമ ബംഗാളിലും ജാഗ്രത കര്ശനമാക്കി.
"
https://www.facebook.com/Malayalivartha