വിഴിഞ്ഞം തീരക്കടലില് അരമണിക്കൂറോളം അപൂര്വ ജലസ്തംഭം (വാട്ടര്സ്പൗട്ട്).... ഈ പ്രതിഭാസം മത്സ്യത്തൊഴിലാളികളില് ഒന്നടങ്കം ആശങ്ക പരത്തി.
വിഴിഞ്ഞം തീരക്കടലില് അരമണിക്കൂറോളം അപൂര്വ ജലസ്തംഭം (വാട്ടര്സ്പൗട്ട്)....വിഴിഞ്ഞം പ്രദേശത്ത് നേരത്തെ തന്നെ മഴ മുന്നറിയിപ്പും കടലാക്രമണ സാധ്യതാ മുന്നറിയിപ്പും നല്കിയിരുന്നു
ഇന്നലെ വൈകുന്നേരം അഞ്ചരയോടെയായിരുന്നു തീരക്കടലിനോട് ചേര്ന്ന് ജലസ്തംഭമുണ്ടായത്. വിഴിഞ്ഞം തുറമുഖത്തിനടുത്ത് തീരക്കടലിനോട് ചേര്ന്ന് അരമണിക്കൂറോളം ജലസ്തംഭമുണ്ടായി. ചുഴലിക്കാറ്റിനോട് സമാനമായ ഒരു പ്രതിഭാസമാണിത്.
ജാഗ്രതാ നിര്ദേശമുണ്ടായിരുന്നതിനാല് മത്സ്യത്തൊഴിലാളികള് കടലില് പോയത് കുറവായിരുന്നു. അതോടൊപ്പം ഈ പ്രതിഭാസം മത്സ്യത്തൊഴിലാളികളില് ഒന്നടങ്കം ആശങ്ക പരത്തി. മുന്പ് ഈ പ്രതിഭാസത്തിന് ശേഷമായിരുന്നു ഓഖിയുള്പ്പെടെയുള്ള ചുഴലിക്കാറ്റുകള് ആഞ്ഞു വീശിയത്. വാട്ടര്സ്പൗട്ട് പ്രതിഭാസമുണ്ടായതില് വലിയ നാശനഷ്ടങ്ങളൊന്നും റിപ്പോര്ട്ട് ചെയ്തിട്ടില്ല.
ക്യമുലോനിംബസ് എന്ന മഴമേഘം കടലിലേക്ക് ചോര്പ്പിന്റെ ആകൃതിയില് ഇറങ്ങി വരുന്നതാണ് ജലസ്തംഭം (വാട്ടര്സ്പൗട്ട്). മേഘത്തിന്റെ ശക്തിയേറുമ്പോള് ഉയരത്തിലേക്ക് ജലം വലിച്ചെടുക്കും. അന്തരീക്ഷത്തിലെ നീരാവി, പൊടിപടലം, കാറ്റ് എന്നിവ കൂടിക്കലരുന്നതിനാല് ഈ സമയം ഇരുട്ട് പരക്കുന്നതാണ്. അന്തരീക്ഷത്തിലെ ചൂടാണ് ഇതിന്റെ പ്രധാന കാരണമെന്നും ശാസ്ത്ര ഗവേഷകര് പറയുന്നു. സാധാരണ പത്ത് മുതല് ഇരുപത് മിനുറ്റ് വരെയാണ് വാട്ടര് സ്പൗട്ട് കാഴ്ചയുണ്ടാകുക.
അതേസമയം മുന്പ് ഈ പ്രതിഭാസത്തിന് ശേഷമായിരുന്നു ഓഖിയുള്പ്പെടെയുള്ള ചുഴലിക്കാറ്റുകള് ആഞ്ഞു വീശിയത്. വാട്ടര്സ്പൗട്ട് പ്രതിഭാസമുണ്ടായതില് വലിയ നാശനഷ്ടങ്ങളൊന്നും റിപ്പോര്ട്ട് ചെയ്തിട്ടില്ല.
"
https://www.facebook.com/Malayalivartha