എച്ചിൽ പാത്രത്തിൽ നിന്ന് ഭക്ഷണം കഴിക്കാൻ അമ്മായിയമ്മ നിർബന്ധിച്ചു: മരിക്കുകയല്ലാതെ മറ്റു വഴിയില്ല; സ്ത്രീധന പീഡനത്തെ ചൊല്ലി, ജീവനൊടുക്കി അദ്ധ്യാപിക
മലയാളി കോളജ് അധ്യാപികയെ നാഗർകോവിലിലെ ഭർതൃ വീട്ടിൽ ജീവനൊടുക്കിയ നിലയിൽ കണ്ടെത്തി. സ്ത്രീധന പീഡനത്തെ ചൊല്ലി കൊല്ലം പിറവന്തൂർ സ്വദേശിയായ 25കാരി ശ്രുതിയാണ് ജീവനൊടുക്കിയത്. ആറ് മാസം മുമ്പ് കഴിഞ്ഞ ഏപ്രിലിലാണ് തമിഴ്നാട് വൈദ്യുതി ബോർഡ് ജീവനക്കാരനായ കാർത്തിക്കുമായുള്ള ശ്രുതിയുടെ വിവാഹം നടന്നത്. ശുചീന്ദ്രത്തെ ഭർത്താവിന്റെ വീട്ടിൽ ശ്രുതി തൂങ്ങി മരിക്കുകയായിരുന്നു. 10 ലക്ഷം രൂപയും 50 പവൻ സ്വർണവും വിവാഹസമ്മാനമായി നൽകിയിരുന്നു.
എന്നാൽ സ്ത്രീധനം കുറഞ്ഞെന്ന് പറഞ്ഞു കാർത്തിക്കിന്റെ അമ്മ ശ്രുതിയോട് നിരന്തരം വഴക്കുണ്ടാക്കിയിരുന്നു എന്ന് ശ്രുതിയുടെ ശബ്ദസന്ദേശത്തിൽ പറയുന്നുണ്ട്. മരിക്കുകയല്ലാതെ മറ്റു വഴിയില്ലെന്നും എച്ചിൽ പാത്രത്തിൽ നിന്ന് ഭക്ഷണം കഴിക്കാൻ അമ്മായിയമ്മ നിർബന്ധിച്ചെന്നും ശ്രുതി വെളിപ്പെടുത്തുന്നു.
വീട്ടിലേക്ക് തിരിച്ചുപോകണമെന്ന് പറഞ്ഞു പീഡിപ്പിക്കുകയാണ്. എന്നാൽ മടങ്ങിപ്പോയി വീട്ടുകാർക്ക് നാണക്കേട് ഉണ്ടാക്കുന്നില്ലെന്നും ശ്രുതിയുടെ ഫോൺ സന്ദേശത്തിലുണ്ട്. വാട്സാപ്പില് അവസാന ശബ്ദസന്ദേശം ഇങ്ങനെ... ‘‘അമ്മ ക്ഷമിക്കണം, ദയവു ചെയ്ത് ഭര്ത്താവിനെ ഒന്നും പറയരുത്. അവര് ഒരു തെറ്റും ചെയ്തിട്ടില്ല. ഞാന് വീട്ടിലേക്കു തിരിച്ചു വരുന്നില്ല. ആളുകള് പലതും പറയും. എന്റെ മൃതദേഹം ഇവിടെ സംസ്കരിക്കരുത്. കോയമ്പത്തൂരില് കൊണ്ടുപോയി നമ്മുടെ ആചാരപ്രകാരം വൈദ്യുതി ശ്മശാനത്തില് സംസ്കരിക്കണം’’ എന്നായിരുന്നു- ശുചീന്ദ്രത്തു ജീവനൊടുക്കിയ ശ്രുതി (24) അവസാനമായി സ്വന്തം മാതാപിതാക്കള്ക്ക് അയച്ച വാട്സാപ്പ് സന്ദേശം.
വിവരമറിഞ്ഞ് ശ്രുതിയുടെ പിതാവ് ബാബു കുടുംബത്തിനൊപ്പം കോയമ്പത്തൂരില്നിന്ന് ശുചീന്ദ്രത്തേക്കു പുറപ്പെടുന്നതിനു മുന്പ് തന്നെ ശ്രുതി ജീവനൊടുക്കിയിരുന്നു. കാര്ത്തിക്കിന്റെ ഒരു ബന്ധുവാണ് ബാബുവിനെ വിളിച്ചു ശ്രുതിയെ തൂങ്ങിമരിച്ച നിലയില് കണ്ടുവെന്നും മൃതദേഹം ആശാരിപള്ളം മെഡിക്കല് കോളജ് ആശുപത്രിയില് ആണെന്നും അറിയിച്ചത്. തുടര്ന്ന് ശുചീന്ദ്രത്ത് എത്തിയ ബാബു പൊലീസില് പരാതി നല്കുകയായിരുന്നു. ഭര്തൃമാതാവിന്റെ പീഡനം സഹിക്കാന് കഴിയാതെ മനംനൊന്താണ് മകള് ജീവനൊടുക്കിയതെന്നും നടപടി എടുക്കണമെന്നും ബാബുവിന്റെ പരാതിയില് പറയുന്നു.
ഭര്ത്താവായ കാര്ത്തിക്കിന്റെ മാതാവ് വല്ലാതെ മാനസികമായി പീഡിപ്പിക്കുന്നുവെന്നാണ് ശ്രുതിയുടെ ശബ്ദസന്ദേശത്തില് പറയുന്നത്. കാര്ത്തിക്കിന്റെ പിതാവ് നേരത്തേ മരിച്ചു പോയിരുന്നു. ഭര്ത്താവിനൊപ്പം ആഹാരം കഴിക്കാനോ വീടിനു പുറത്തു പോകാനോ അനുവദിക്കുന്നില്ലെന്നും കടുത്ത നിയന്ത്രണങ്ങളാണ് ഏര്പ്പെടുത്തിയിരിക്കുന്നതെന്നും ശ്രുതിയുടെ ശബ്ദസന്ദേശത്തില് പറഞ്ഞിരുന്നു.
കോയമ്പത്തൂരിൽ സ്ഥിരതാമസം ആണ് ശ്രുതിയുടെ കുടുംബം. ശ്രുതിയുടെ പിതാവ് കോയമ്പത്തൂരില് തമിഴ്നാട് വൈദ്യുതി വകുപ്പിലാണ് ജോലി ചെയ്തിരുന്നത്. ശ്രുതിയുടെ ഭര്ത്താവ് കാര്ത്തി ശുചീന്ദ്രത്ത് വൈദ്യുതി വകുപ്പ് ഉദ്യോഗസ്ഥനാണ്. കാര്ത്തിയുടെ പിതാവ് നേരത്തേ മരിച്ചു പോയിരുന്നു. ഭര്ത്താവിനൊപ്പം വീടിനു പുറത്തു പോകാന് അനുവദിക്കുന്നില്ലെന്നും ഭര്ത്താവിന്റെ അമ്മ മാനസികമായി പീഡിപ്പിക്കുകയാണെന്നും ശ്രുതിയുടേതായി പുറത്തുവന്ന ശബ്ദസന്ദേശത്തില് പറയുന്നു.
സംഭവത്തില് എഡിഎം അന്വേഷണം ആരംഭിച്ചു. ഇതിനിടെ ശ്രുതിയുടെ ഭര്തൃമാതാവ് വിഷം കഴിച്ച് ആത്മഹത്യക്കു ശ്രമിച്ചു. ഇവരെ കന്യാകുമാരി ആശാരിപള്ളം മെഡിക്കല് കോളജില് പ്രവേശിപ്പിച്ചു. ഭര്തൃമാതാവിന്റെ പീഡനം സഹിക്കാന് കഴിയാതെ ജീവനൊടുക്കുവെന്ന് ശ്രുതി കോയമ്പത്തൂരിലുള്ള മാതാപിതാക്കളെ അറിയിച്ചിരുന്നു.
ശുചീന്ദ്രത്ത് വൈദ്യുതി വകുപ്പില് ജോലി ചെയ്യുന്ന കാര്ത്തിക്ക് ആറുമാസം മുന്പാണ് ശ്രുതിയെ വിവാഹം കഴിച്ചത്. മകളുടെ മരണവിവരം അറിഞ്ഞ് ശുചീന്ദ്രത്ത് എത്തിയ ശ്രുതിയുടെ പിതാവ് ബാബു ശുചീന്ദ്രം പൊലീസില് പരാതി നല്കിയിരുന്നു. ശുചീന്ദ്രം പൊലീസും ആര്ഡിഒ കാളീശ്വരിയും വീട്ടിലെത്തി കാര്ത്തിക്കിന്റെയും അമ്മയുടെയും മൊഴി എടുത്തു. ഇതിനു പിന്നാലെയാണ് ഭര്തൃമാതാവ് വിഷം കഴിച്ച് ആത്മഹത്യക്കു ശ്രമിച്ചത്. ശ്രുതിയുടെ മൃതദേഹം പോസ്റ്റ്മോര്ട്ടത്തിനുശേഷം ബന്ധുക്കള് ഏറ്റുവാങ്ങി കോയമ്പത്തൂരിലേക്കു കൊണ്ടുപോയി.
https://www.facebook.com/Malayalivartha