കോട്ടയം പാലാ മേലുകാവ് കടന്നാട്ടിൽ ദമ്പതികളെ വീട്ടിൽ മരിച്ച നിലയിൽ കണ്ടെത്തി. സാമ്പത്തിക പ്രതിസന്ധിയെ തുടർന്ന് ഭാര്യയെ കൊലപ്പെടുത്തി ഭർത്താവ് തൂങ്ങി മരിച്ചതായാണ് സംശയിക്കുന്നത്. . സാമ്പത്തിക പ്രതിസന്ധിയാണോ ക്രൂരകൃത്യത്തിന് പുറകിലെന്ന് പൊലീസ് സംശയിക്കുന്നു. റോയി, ജാൻസി എന്നിവരെയാണ് വീടിനുള്ളിൽ മരിച്ച നിലയിൽ കണ്ടെത്തിയത് . 

ഭാര്യയെ കിടപ്പുമുറിയിൽ മരിച്ച നിലയിലും ഭർത്താവിനെ വീടിനു പിന്നിൽ തൂങ്ങി മരിച്ച നിലയിലുമാണ് കണ്ടെത്തിയത്. പത്തു വയസുള്ള കുട്ടി സ്‌കൂളിൽ പോയ സമയത്താണ് അതിക്രൂരമായ കൊലപാതകം നടന്നതെന്നാണ് ലഭിക്കുന്ന വിവരം . വെള്ളിയാഴ്ച ഉച്ചയോടെയാണ് രണ്ടു പേരുടെയും മൃതദേഹം വീട്ടിൽ കണ്ടെത്തിയത്. സാമ്പത്തിക പ്രതിസന്ധി രണ്ടു പേരും നേരിട്ടിരുന്നതായി വിവരമുണ്ട്. സംഭവം അറിഞ്ഞ് മേലുകാവ് പൊലീസ് സംഘം സ്ഥലത്ത് എത്തിയിട്ടുണ്ട്. ദൃശ്യങ്ങൾ കാണാം