പി.പി.ദിവ്യ ഇന്ന് തലശ്ശേരി പ്രിന്സിപ്പല് സെഷന്സ് കോടതിയില് ജാമ്യാപേക്ഷ നല്കും... ജാമ്യാപേക്ഷയെ എതിര്ത്ത് കക്ഷി ചേരാനൊരുങ്ങി നവീന് ബാബുവിന്റെ കുടുംബം
പി.പി.ദിവ്യ ഇന്ന് തലശ്ശേരി പ്രിന്സിപ്പല് സെഷന്സ് കോടതിയില് ജാമ്യാപേക്ഷ നല്കും... ജാമ്യാപേക്ഷയെ എതിര്ത്ത് കക്ഷി ചേരാനൊരുങ്ങി നവീന് ബാബുവിന്റെ കുടുംബം.
തലശ്ശേരി പ്രിന്സിപ്പല് സെഷന്സ് കോടതിയിലാവും അപേക്ഷ നല്കുക. കണ്ണൂര് ജില്ലാ സെക്രട്ടേറിയറ്റ് ഇന്ന് ചേരും. ദിവ്യക്കെതിരെ സംഘടന നടപടി ഉണ്ടാകുമോ എന്ന് ഇന്ന് വ്യക്തമായേക്കും. വീഴ്ചകള് എണ്ണിപ്പറഞ്ഞ് കോടതി മുന്കൂര് ജാമ്യം നിഷേധിച്ചതിന് പിന്നാലെയാണ് മണിക്കൂറുകള്ക്കകം നാടകീയമായി ദിവ്യ പൊലീസിന് മുന്നിലെത്തിയത്.
രണ്ടാഴ്ചത്തേക്കാണ് ദിവ്യയെ മജിസ്ട്രേറ്റ് റിമാന്ഡ് ചെയ്തത്. കനത്ത പൊലീസ് സുരക്ഷയോടെയാണ് തളിപ്പറമ്പ് മജിസ്ട്രേറ്റിന്റെ വീട്ടില് നിന്നും ദിവ്യയെ ജയിലിലെത്തിച്ചത്. അടുത്ത മാസം 12-ാം തിയതി വരെയാണ് ദിവ്യയുടെ റിമാന്ഡ് കാലാവധി. ദിവ്യക്കെതിരെ ഉയര്ന്ന ഗുരുതര ആരോപണങ്ങള് ശരിവെച്ചാണ് കോടതി ഇന്നലെ മുന്കൂര് ജാമ്യാപേക്ഷ തളളിയത്. ക്ഷണിച്ചിട്ടാണ് നവീന് ബാബുവിന്റെ യാത്രയയപ്പ് യോഗത്തില് എത്തിയതെന്ന ദിവ്യയുടെ വാദം കോടതി തള്ളിക്കളഞ്ഞു.
"
https://www.facebook.com/Malayalivartha
