സാഹിത്യനിരൂപകനും അധ്യാപകനുമായിരുന്ന പ്രൊഫ. മാമ്പുഴ കുമാരന് അന്തരിച്ചു...
30 OCTOBER 2024 02:22 PM IST
മലയാളി വാര്ത്ത
സാഹിത്യനിരൂപകനും അധ്യാപകനുമായിരുന്ന പ്രൊഫ. മാമ്പുഴ കുമാരന് (91) അന്തരിച്ചു. കൊടകര ശാന്തി ആശുപത്രിയില് ബുധനാഴ്ച രാവിലെയായിരുന്നു അന്ത്യം.
ഇരിങ്ങാലക്കുട കൂടല്മാണിക്യം ക്ഷേത്രം കിഴക്കെനട എം.ജി. റോഡില് വരദയിലായിരുന്നു താമസം. 2021-ല് കേരള സാഹിത്യ അക്കാദമിയുടെ സമഗ്ര സംഭാവനയ്ക്കുള്ള പുരസ്കാരം നേടിയ മാമ്പുഴ കുമാരന് ഏറെക്കാലം മാതൃഭുമിവാരികയില് ഗ്രന്ഥനിരൂപകനായിരുന്നു അദ്ദേഹം.
വിവിധ ആനുകാലികങ്ങളില് വിവിധ തൂലികാനാമങ്ങളില് കവിത, ലേഖനം, ഹാസ്യകവിത, ഹാസ്യലേഖനങ്ങള് എന്നിവ പ്രസിദ്ധികരിച്ചു. സര്ഗദര്ശനം, അനുമാനം, മോളിയേയില് നിന്ന് ഇബ്സനിലേയ്ക്ക്, വാക്കും പൊരുളും എന്നീ പഠനങ്ങള് പ്രസിദ്ധീകരിച്ചിട്ടുണ്ട്.
ഉള്ക്കാഴ്ചകള്, സംസ്കാരത്തിന്റെ അടയാളങ്ങള്, തെരഞ്ഞെടുത്ത പ്രബന്ധങ്ങള്, സ്മൃതിമുദ്രകള് എന്നിവയാണ് മറ്റ് കൃതികള്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
