ഇടുക്കിയില്‍ ഭാര്യയെ വെട്ടി  ഗുരതരമായി പരുക്കേല്‍പ്പിച്ച ഭര്‍ത്താവ് അറസ്റ്റില്‍. ഇടുക്കി പ്രകാശിന് സമീപം മാടപ്രയില്‍ സുമജന്‍ എന്ന് വിളിക്കുന്ന പുന്നത്താനിയില്‍ കുര്യനാണ് തങ്കമണി പൊലീസിന്റെ പിടിയിലായത്.

ബുധനാഴ്ച രാത്രി ഏഴരയോടെയാണ് സംഭവം. സുമജന്‍ എന്ന് വിളിക്കുന്ന കുര്യനാണ് ഭാര്യ ആലീസിനെ വെട്ടിപ്പരുക്കേല്‍പ്പിച്ചത്. തലക്കും കഴുത്തിനും ഗുരുതരമായി പരുക്കേറ്റ ആലീസ് കട്ടപ്പനയിലെ സ്വകാര്യ ആശുപത്രിയില്‍ ചികിത്സയില്‍ കഴിയുകയാണ്. ചെറിയ തോതില്‍ മാനസിക ആസ്വാസ്ഥ്യമുള്ളയാളാണ് കുര്യനെന്ന് പോലീസ് .

മൂന്ന് ദിവസത്തോളമായി ഇതിനുള്ള മരുന്ന് കുര്യന്‍ കഴിച്ചിരുന്നില്ല. രാവിലെ കട്ടപ്പനയിലെ ആശുപത്രില്‍ പോയി മടങ്ങിയെത്തിയ ശേഷം കുര്യന്‍ കിടന്നുറങ്ങി. രാത്രി ഭക്ഷണം കഴിക്കാനായി ആലീസ് വിളിച്ചപ്പോഴാണ് ഉണര്‍ന്നത്.

തുടര്‍ന്ന് കുര്യന്‍ വീട്ടിലുണ്ടായിരുന്ന വാക്കത്തി ഉപയോഗിച്ച് ആലീസിനെ പലപ്രാവശ്യം വെട്ടി. മുറിവേറ്റ ആലീസ് വീട്ടില്‍ നിന്നുമിറങ്ങിയോടി അയല്‍പക്കത്തെത്തി വിവരം അറിച്ചു.

തുടര്‍ന്ന് നാട്ടുകാരാണ് ആലീസിനെ അശുപത്രിയിലാക്കിയത്. സംഭവത്തിനു ശേഷം വീട്ടില്‍ നിന്നും രക്ഷപെട്ട കുര്യനായി രാത്രി പൊലീസും നാട്ടുകാരും ചേര്‍ന്ന് തെരച്ചില്‍ നടത്തിയെങ്കിലും കണ്ടെത്താനായില്ല. രാവിലെ തിരികെ വീട്ടിലെത്തിയപ്പോള്‍ പൊലീസ് കസ്റ്റഡിയിലെടുത്തു.

വീട്ടില്‍ നിന്നും വെട്ടാനുപയോഗിച്ച വാക്കത്തിയും കണ്ടെത്തി. അറസ്റ്റ് രേഖപ്പെടുത്തിയ ശേഷം പൊലീസ് പ്രതിയെ സംഭവ സ്ഥലത്തെത്തിച്ച് തെളിവെടുപ്പ് നടത്തുകയും ചെയ്തു.